Денеска се празнува Светиот свештеномаченик Игнатиј Богоносец

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска се празнува Светиот свештеномаченик Игнатиј Богоносец

02 јануари 2026

• од Станча Јаќимовски

Православната Црква денеска го празнува споменот на Светиот свештеномаченик Игнатиј Богоносец – еден од најраните и најзначајни Христови сведоци, чиј живот и маченичка смрт претставуваат пример на длабока вера, смирение и безусловна љубов кон Бога.

Свети Игнатиј го добил прекарот Богоносец затоа што постојано го носел името на живиот Бог во своето срце и на својот јазик. Според црковното предание, тој е наречен така и затоа што самиот воплотен Бог – Исус Христос – го зел во раце како дете. Токму за него се однесуваат Христовите зборови упатени до учениците: „Оној којшто ќе се смири и ќе стане како ова дете, тој е најголем во царството небесно“ (Матеј 18,4).

Подоцна, Свети Игнатиј станал ученик на свети Јован Богослов, заедно со свети Поликарп Смирненски. Бил поставен за епископ на Антиохија, каде што со голема љубов и ревност ја водел Божјата Црква како вистински духовен пастир. Нему му се припишува и воведувањето на антифонскиот начин на црковно пеење – наизменично пеење на две певници – кое, според преданието, му било откриено преку ангелите на небесата.

Во времето на римскиот цар Трајан, кога царот минувал низ Антиохија на пат кон војна со Персијанците, дознал за христијанскиот епископ Игнатиј. Го повикал кај себе и се обидел со совети и закани да го убеди да им принесе жртва на идолите, ветувајќи му висока државна положба. Но Свети Игнатиј останал непоколеблив во верата.

Поради тоа бил окован во железо и испратен во Рим, под стража на десет сурови војници, за да биде фрлен пред ѕверовите. И покрај долгото и тешко патување преку Тракија, Македонија и Епир, Свети Игнатиј со радост го прифатил страдањето, постојано молејќи се Бог да му даде сила да ја исполни својата жртва до крај.

Во Рим бил фрлен пред лавовите во циркусот. Ѕверовите го растргнале и го изеле, оставајќи само неколку коски и срцето. Така, во 106 година, за време на владеењето на цар Трајан, Свети Игнатиј Богоносец го запечатил своето сведоштво со маченичка смрт.

Црковното предание сведочи дека Светиот Игнатиј и по своето упокојување многупати им се јавувал и им помагал на оние што со искрена вера го повикуваат неговото име, останувајќи жив пример на верност кон Христос и на надежта во вечниот живот.