Денеска се празнува споменот на светиот Пророк Агеј

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска се празнува споменот на светиот Пророк Агеј

28 декември 2025

• од Станча Јаќимовски

Денес православните верници со особена почит го одбележуваат споменот на Свети пророк Агеј, еден од дванаесеттемина мали старозаветни пророци. Неговиот живот и дело се поврзани со еден од најтешките, но и најнадежните периоди во историјата на еврејскиот народ.

Светиот пророк Агеј живеел во шестиот век пред Христа, во времето на крајот на вавилонското ропство. Тој бил сведок и на големиот историски настан – враќањето на Евреите од прогонство во својата татковина Јудеја. Во тие години, народот бил обесхрабрен, соочен со сиромаштија, разурнати градови и запуштен Ерусалимски храм.

Преку пророкот Агеј, Господ му се обратил на народот со порака на охрабрување и надеж. Тој ги повикувал Евреите повторно да се зафатат со изградбата на храмот, потсетувајќи ги дека духовниот живот и верноста кон Бога треба да бидат на прво место. Агеј објавил дека новиот храм ќе биде пославен од првиот, не поради неговата надворешна раскош, туку затоа што во него ќе се појави „Царот на светот“ – Спасителот на сите народи.

Неговото пророштво има длабоко месијанско значење и во христијанската традиција се толкува како најава за доаѓањето на Исус Христос. Книгата на пророкот Агеј, која е дел од канонот на Стариот завет, и денес останува силно сведоштво за верата, надежта и обновата – не само на храмови од камен, туку и на човечките срца.

Со празнувањето на светиот пророк Агеј, Црквата нè потсетува на важноста на духовната истрајност, довербата во Божјото ветување и силата на надежта, дури и во најтешките времиња.