СДСМ со критики до Владата за руските и кинеските влијанија по говорот на Руте

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ со критики до Владата за руските и кинеските влијанија по говорот на Руте

03 март 2026

• од Гоце Кически

Венко Филипче, денеска изјави дека членството на земјата во НАТО претставува „трајна придобивка“ која произлегува од, како што рече, „стратешките, визионерските и државничките политики“ на Социјалдемократскиот сојуз во изминатите децении.

Неговата изјава доаѓа по обраќањето на генералниот секретар на НАТО, Марк Руте, кој денеска престојуваше во земјава и се обрати во Собранието.

„Би рекол дека членството во НАТО е резултат на стратешките политики на Социјалдемократскиот сојуз во изминатите повеќе децении. Тој пат не беше лесен, меѓутоа сега конечно можеме да се чувствуваме безбедни, со загарантирани граници, благодарение на тоа што сме дел од најголемиот безбедносен сојуз во светот“, изјави Филипче.

НАТО како безбедносен гарант во време на кризи

Според него, актуелните глобални безбедносни предизвици дополнително ја нагласуваат важноста на членството во НАТО.

Филипче посочи дека војната во Украина, која трае веќе четири години, е резултат на агресијата на Русија, како и дека новите жаришта на повеќе места во светот ја потенцираат потребата од стабилни безбедносни сојузи.

„Ова е трајна придобивка за нашата земја“, истакна тој.

Обвинувања кон ВМРО-ДПМНЕ

Во своето обраќање, лидерот на СДСМ реагираше и на критиките од страна на ВМРО-ДПМНЕ, кои, според него, ги нарекле политиките на СДСМ во контекст на членството во НАТО „предавнички“.

„Не знам за какво предавство станува збор, кога отсекогаш сме се бореле и ќе се бориме исклучиво за доброто на државата и на сите граѓани“, рече Филипче.

Пораки до Владата и надворешно влијание

Филипче оцени дека генералниот секретар Руте упатил „јасни пораки“ до Владата, нагласувајќи дека Русија е агресор во Украина и дека гради сојузи со Кина и Северна Кореја.

Тој упати критики и за, како што наведе, врските на одредени владини претставници со Москва. Притоа го спомена вицепремиерот Иван Стоиљковиќ, за кого рече дека „отворено негува врски со Русија“, како и негови средби со групата „Ноќни волци“, кои, според Филипче, се во директна комуникација со рускиот претседател Владимир Путин.

Дополнително, тој се осврна и на заемот од една милијарда евра од Унгарија, тврдејќи дека станува збор за средства со кинеско финансирање, на што, како што рече, укажувале извештаи на европските институции.

„Сметам дека ова е сериозен сигнал дека нашиот одбранбен чадор внимателно ги следи политиките што ги води актуелната Влада и јасно и отворено укажува на нив“, изјави Филипче.