Подгответе се: Еве кога започнува зимското сметање на времето и кога ќе спиеме еден час повеќе

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Подгответе се: Еве кога започнува зимското сметање на времето и кога ќе спиеме еден час повеќе

10 септември 2026

• од Темелко Тошев

Летните денови полека остануваат зад нас, а со доаѓањето на есента се ближи и редовната промена на времето. И оваа година, според востановената практика, стрелките на часовникот ќе се вратат еден час наназад, со што официјално ќе преминеме кон зимското сметање на времето.

Оваа година, зимското сметање на времето започнува на 25 октомври (недела). Тогаш, во 3 часот по полноќ, стрелките на часовниците ќе треба да се вратат еден час наназад, односно на 2 часот. Оваа промена за многумина е омилена бидејќи практично ни носи еден час повеќе за спиење.

Ваквото сметање на времето ќе трае сè до 28 март 2027 година, кога повторно ќе преминеме на летното сметање, кое пак ќе се задржи до 31 октомври истата година.

Што се случува со укинувањето на промената на времето?

Распоредот и календарот за менување на времето се направени според правилата кои моментално се на сила во Европската Унија, а кои се применуваат и кај нас во Македонија. Правилото наложува летното време да започнува во последниот викенд од март, а зимското во последниот викенд од октомври.

Сепак, тоа не значи дека оваа практика сигурно ќе опстане. Во Европската Унија веќе со години се води интензивна дебата за укинување на сезонското менување на времето. Иако Европскиот парламент уште во 2019 година го поддржа предлогот за укинување на оваа практика во 2021 година, планот сè уште не е реализиран. Главната пречка е фактот што земјите-членки не можат да постигнат консензус околу тоа дали трајно да се задржи летното или стандардното (зимското) време.

Доколку во меѓувреме се усвојат нови европски регулативи и земјите постигнат договор, поместувањето на стрелките на часовникот би можело да замине во историјата. Дотогаш, останува да уживаме во дополнителниот час сон кој ни го носи последниот викенд од октомври.