14,4 милиони денари за патување: Пратениците се возат на грбот на граѓаните

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

14,4 милиони денари за патување: Пратениците се возат на грбот на граѓаните

09 јануари 2026

• од Станча Јаќимовски

Пратениците трошат народни пари, граѓаните бројат денари

Додека граѓаните се борат со инфлација, високи сметки и сè поскап живот, пратениците во македонското Собрание во 2025 година потрошиле 14.369.470 денари народни пари – само за патни трошоци.

Наместо рационализација и штедење, бројките покажуваат спротивно: поединци наплатиле над 600 илјади денари годишно за патување до работното место кое самите го избрале.

Рекордери во трошење, не во работа

Апсолутен рекордер е Кире Божиновски од ВМРО-ДПМНЕ, пратеник од Битола, кој наплатил 637.233 денари за патни трошоци. Веднаш зад него е Петар Ристески од Прилеп со 602.187 денари, исто така од редовите на ВМРО-ДПМНЕ.

Овие износи се рамни на годишна плата на многу граѓани, а сепак се исплатени без јавна расправа, без лимит и без објаснување дали навистина се неопходни.

Високи трошоци – ниска одговорност

Во првите десет пратеници со највисоки патни трошоци доминираат членови на истата партија, но одговорност не сноси никој. Нема извештаи за реални патувања, нема јавни податоци за број на доаѓања, ниту контрола дали патните трошоци се оправдани или само автоматски се исплаќаат.

Во исто време, пратеници од Скопје наплатуваат илјадници денари, додека други пријавуваат симболични износи, што дополнително отвора сомнеж за нееднаква и нетранспарентна практика.

Двојни бенефиции: патни трошоци + кирија, иако имаат стан

Особено проблематичен е фактот што дел од пратениците истовремено наплатуваат патни трошоци и надоместок за закупнина на стан во Скопје, иако во анкетните листови доставени до ДКСК имаат пријавено сопствен стан во главниот град.

Илустративен пример е пратеничката Олга Лозановска, која ги користи двете права – и патни трошоци и кирија – и покрај тоа што поседува стан во Скопје. Ова не е законски забрането, но е етички спорно, особено кога станува збор за јавни пари.

Закони има, контрола – не

Проблемот не е само во износите, туку во системот кој овозможува вакво трошење без ограничувања. Пратениците сами си ги носат правилата, самите си ги толкуваат и самите си ги наплатуваат.

Нема горна граница. Нема ревизија. Нема санкции.

Прашањето што никој не го поставува

Дали е нормално пратеник да зема над 50.000 денари месечно за патување, додека минималната плата едвај ја покрива кошничката за преживување?
Дали Собранието е сервис на граѓаните или удобен банкомат за избраните?

Сè додека овие прашања нема да добијат одговор, 14,4 милиони денари нема да бидат исклучок, туку правило – платено од џебот на граѓаните.