Во Бугарија нова автопатска делница како чекор кон директна врска со Грција

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Во Бугарија нова автопатска делница како чекор кон директна врска со Грција

24 февруари 2026

• од Станча Јаќимовски

Во Бугарија близу 40 километри од автопатот меѓу Русе и Велико Трново официјално добија дозвола за градба. Станува збор за првиот лот од идниот автопат Русе – Велико Трново, кој ќе ги поврзе градовите Русе и Бјала, а документот е потпишан на 18 февруари од поранешниот регионален министер Иван Иванов.

Со ова во Бугарија се потврдуваат најавите на Агенцијата „Патна инфраструктура“ од средината на јануари, кога беше соопштено дека документацијата ќе биде поднесена за одобрување во февруари. Почетокот на градежните активности следува по завршувањето на експропријациските постапки во октомври 2025 година.

Дозволата за градба е со „претходно извршување“, што значи дека изградбата може да започне веднаш. Овој чекор е оправдан со националното значење на автопатот во Бугарија, кој треба да го намали критичниот товарен сообраќај и бројот на сообраќајни незгоди на постојниот опасен пат Русе – Бјала (I-5).

Каде ќе се гради автопатот во Бугарија?

Првиот лот во Бугарија опфаќа делница од километар 0+500 до километар 40+640. Трасата започнува околу 3 километри источно од Дунав мост кај Русе, а нултиот километар е поставен кај клучката со патот Русе – Силистра (II-21).

Новите 40 километри во Бугарија ќе поминуваат во близина на селата Николово и Басарбово, ќе ја преминуваат реката Русенски Лом преку вијадукт и ќе продолжат западно од Иваново и Две Могили. Делницата завршува со патна клучка кај Две Могили, каде што се поврзува со постојниот пат I-5.

Техничкиот проект е одобрен со наредба од јануари 2025 година и ја опфаќа целата прва делница според важечкиот детален урбанистички план во Бугарија.

Вредност и следни фази

Целокупната должина на автопатот Русе – Велико Трново во Бугарија е планирана да изнесува 132 километри, поделени во три лота. Првиот лот е вреден 448,1 милиони евра без ДДВ.

Плановите предвидуваат автопатот во Бугарија во иднина да се продолжи и до граничниот премин „Маказа“, со што би се формирало стратешко автопатско поврзување од Русе до грчката граница.

Доколку проектот целосно се реализира, вкупната должина на автопатската врска во Бугарија од Русе до „Маказа“ би достигнала 332 километри, што ќе претставува значаен дел од Паневропскиот транспортен коридор број 9 (Хелсинки – Александруполис).