Трамп се закани и на наследничката на Мадуро

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Трамп се закани и на наследничката на Мадуро

05 јануари 2026

• од Вардарски

Американскиот претседател Доналд Трамп упати остри закани кон привремената претседателка на Венецуела, Делси Родригес, предупредувајќи дека таа може да се соочи со „уште полоша судбина“ од онаа на Николас Мадуро, доколку не ги исполни барањата на САД. Ова Трамп го изјави во телефонско интервју за списанието The Atlantic.

Според американскиот лидер, доколку Родригес „не постапи правилно“, ќе плати „многу висока цена, можеби дури и повисока од онаа што ја плати Мадуро“. Трамп истакна дека Вашингтон нема да толерира, како што ги нарече, „одвратните дејства“ кои довеле до соборување на венецуелскиот лидер.

„Обновата и промената на режимот, како и да ги нарекувате, се подобри од тоа што го имате сега. Полошо од ова не може да стане“, изјави Трамп, нагласувајќи дека сегашната состојба во земјата е катастрофална.

Претходниот ден, Трамп изјави дека привремената претседателка е „подготвена да направи сè“ што, според Вашингтон, е потребно за „Венецуела повторно да стане велика“. Родригес, пак, ги отфрли овие тврдења, нагласувајќи дека земјата е подготвена да ги брани своите природни ресурси и дека нема да стане ничија колонија. Таа подвлече дека единствениот легитимен претседател на Венецуела е Мадуро.

Американскиот претседател ја нарече Венецуела „пропадната држава“, оценувајќи дека таа е „целосно уништена“ и „катастрофа во секој поглед“.

Во меѓувреме, државниот секретар на САД, Марко Рубио, во интервју за NBC News изјави дека САД не водат војна против Венецуела, туку против наркокартелите. Тој тврдеше дека американската акција не претставува инвазија, туку спроведување на закон: „Ние не ја окупиравме земјата. Тоа беше апсење. Мадуро беше уапсен во Венецуела од агенти на ФБИ, му беа прочитани правата и потоа беше изведен од земјата“, рече Рубио.

Според Трамп, Мадуро веќе не е претседател, а Соединетите Американски Држави ќе го преземат управувањето со Венецуела до спроведување на неопходниот политички преод. Тој најави дека во обновата на земјата ќе бидат вклучени американски нафтени компании.

Главната обвинителка на САД, Пем Бонди, соопшти дека Мадуро и неговата сопруга се обвинети за „наркотероризам“, нелегално поседување оружје и шверц на дрога и дека ќе им се суди во САД.