Нова Република: Милиони долари од режимот на Мадуро минувале низ македонскиот банкарски систем

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Нова Република: Милиони долари од режимот на Мадуро минувале низ македонскиот банкарски систем

06 јануари 2026

• од Станча Јаќимовски

Милиони долари поврзани со режимот на венецуелскиот претседател Николас Мадуро поминувале низ банкарскиот систем на Северна Македонија, а јавноста сè уште нема одговор за тоа за чии потреби биле наменети овие средства, какви врски стојат зад нивното влегување во земјата и каде на крајот завршиле. Ова се наведува во соопштението на политичката партија Нова Република, која повторно ја актуелизира таканаречената „венецуелска врска“.

Според Нова Република, и поранешните и сегашните власти, предводени од СДСМ и ВМРО-ДПМНЕ, редоследно спречувале темелна истрага за можните финансиски релации меѓу домашниот банкарски систем и, како што наведуваат, „нарко-авторитарниот режим“ на Мадуро. Како конкретен пример се посочува случајот со „Евростандард банка“, за кој, според партијата, никогаш не била спроведена целосна и независна истрага, а банката подоцна била ликвидирана со одлука на Народната банка на Република Северна Македонија.

Од Нова Република оценуваат дека вистинско дистанцирање на ВМРО-ДПМНЕ од авторитарни режими и политички модели во регионот и пошироко – од Белград и Будимпешта, па сè до Москва и Каракас – може да се демонстрира само преку отворање и расчистување на „венецуелската врска“ во земјата.

Во исто време, за СДСМ, како што се наведува, искрено дистанцирање од нарко-политички структури би значело утврдување на одговорноста на тогашните партиски и државни функционери за тоа зошто ваквите сомнителни финансиски текови не биле санкционирани навреме.

Партијата смета дека соочувањето на македонската финансиска и политичка елита со овие настани, како и расчистувањето на улогата на истражните органи, правосудството и монетарната власт во, како што велат, прикривањето на аферата, би имало далекусежни последици. Според Нова Република, токму таквото расчистување „чудесно“ би ги деблокирало и борбата против корупцијата и криминалот, но и процесот на европските интеграции на Северна Македонија.