Рама повика на уставни измени заради европската интеграција, нуди соработка со опозицијата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Рама повика на уставни измени заради европската интеграција, нуди соработка со опозицијата

17 јануари 2026

• од Гоце Кически

Премиерот на Албанија, Еди Рама, упати повик до опозицијата за започнување процес на уставни измени во Парламентот, нагласувајќи дека ваквите промени се неопходни во контекст на европската интеграција на земјата.

И покрај тоа што опозицијата најави протести со барање за негова оставка и формирање техничка влада, Рама изрази подготвеност за соработка и дијалог. Како дел од можните уставни реформи, тој ја отвори и идејата за намалување на бројот на пратеници во албанското Собрание.

„Треба да размислиме и за формирање иницијативна група за уставни измени. Ја покренавме потребата албанскиот Парламент да се намали по бројност – сега имаме 140 пратеници, а многу лесно би можеле да имаме парламент со 100 пратеници“, изјави Рама.

Премиерот нагласи дека уставната реформа е значително поширок и покомплексен процес од изборните измени и бара сериозна експертиза, време и ресурси. Според него, неопходно е да се формира група од луѓе кои „знаат што гледаат, читаат и зборуваат“ кога станува збор за Уставот на Албанија.

„Амбицијата е, и мора да биде, до крајот на мандатот да донесеме и усвоиме уставна реформа“, истакна Рама.

Тој дополнително најави решителност за подлабоко воведување на технологијата во работата на Парламентот, вклучително и трансформација на постојниот телевизиски пренос во посебен парламентарен канал.

„Во други земји постои парламентарен канал – и ние треба да имаме таков. Тоа ќе се реализира под покровителство на Претседателството на Собранието, со јасна покана до претставниците на опозицијата“, додаде премиерот.

Иницијативата на Рама доаѓа во чувствителен политички момент, но тој инсистира дека институционалните реформи и европскиот пат на Албанија бараат поширок политички консензус.