Бугарската EnduroSat гради нов космички развоен центар во Софија вреден 10,6 милиони евра

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарската EnduroSat гради нов космички развоен центар во Софија вреден 10,6 милиони евра

10 јануари 2026

• од Станча Јаќимовски

Бугарската космичка компанија EnduroSat ќе изгради нов космички развоен центар во Софија, со инвестиција од 10,686 милиони евра. Одлуката е потврдена од Министерскиот совет на Бугарија, кој одобри меморандум за разбирање со компанијата, со што официјално се дава зелено светло за реализација на проектот.

Со изградбата на новиот центар ќе бидат отворени околу 50 нови работни места. Објектот ќе биде опремен со напредни машини и современи технологии, наменети за развој и производство на нова класа сателити.

Сите производи што ќе се развиваат во центарот се наменети за извоз. Главни пазари ќе бидат Соединетите Американски Држави, Европската Унија, Јапонија и други меѓународни дестинации, соопштуваат од владината прес-служба. Проектот е прогласен за приоритетен, а ќе биде формирана и меѓуресорска работна група која ќе обезбеди институционална поддршка за неговата реализација.

Ова претставува уште една значајна инвестиција на EnduroSat во Бугарија во последните месеци. Минатата есен компанијата го пушти во употреба својот космички центар во главниот град – производствен комплекс со површина од 17.500 квадратни метри, кој вклучува лаборатории, чисти простории и специјализирана опрема.

Целта на компанијата е дневно да склопува по два од своите најнапредни сателити од моделот Endurance Gen3. Станува збор за космички апарати со маса до 500 килограми и комуникациски капацитет до 2 гигабита, наменети за изградба на цели сателитски констелации.

EnduroSat е основана во 2015 година од Рајчо Рајчев. По последниот инвестициски круг, компанијата има привлечено над 150 милиони долари инвестиции. Во мај 2025 година таа обезбеди 49 милиони долари во рунда предводена од Founders Fund на технолошкиот милијардер Питер Тил.

Во октомври следуваше и најголемата инвестициска рунда досега – 104 милиони долари, со учество на Riot Ventures, Google Ventures, Lux Capital, Shrug Capital, како и европскиот акцелератор European Innovation Council Fund.