05 јануари 2026
• од Станча Јаќимовски
Голем дел од безбедносниот тим на поранешниот претседател Николас Мадуро бил убиен за време на американска операција што довела до неговото апсење во саботата, пренесува АФП.
Информацијата била соопштена во телевизиско обраќање на министерот за одбрана на Венецуела, генерал Владимир Падрино Лопес, во неделата наутро.
„Боливарските национални вооружени сили остро го осудуваат подмолното киднапирање на граѓанинот Николас Мадуро, уставен претседател и наш врховен командант, како и на неговата сопруга. Злосторството беше извршено вчера, во саботата, 3 јануари, откако ладнокрвно беше убиен значителен дел од неговото обезбедување – војници и невини цивили“, изјави министерот.
Убиствата се случиле при заземањето на претседателската резиденција. Лопес не прецизираше точен број на жртвите, но ја поддржа одлуката за прогласување на потпретседателката Делси Родригес за привремен претседател.
Падрино Лопес додаде дека вооружените сили се мобилизирани на целата територија на земјата со цел да се гарантира националниот суверенитет.
Ненадминливи Понуди Дневно
4.8 (10276 рецензии)
Заштедете 152.00 ден

