Македонски Бугарин влегува во трката за пратеник на парламентарните избори во Бугарија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Македонски Бугарин влегува во трката за пратеник на парламентарните избори во Бугарија

16 март 2026

• од Станча Јаќимовски

Зоран Мрсески, македонски Бугарин од Прилеп, објави дека ќе учествува на претстојните парламентарни избори во Бугарија како кандидат за народен пратеник. Тој ќе се кандидира на изборите што треба да се одржат на 19 април, во 23. изборна единица во Софија, како дел од кандидатската листа на бугарската партија „Преродба“ (Възраждане).

Мрсески информацијата ја соопшти преку објава на социјалните мрежи, во која истакна дека ја прифаќа номинацијата со „голема чест и одговорност“. Тој изрази благодарност до раководството на партијата за укажаната доверба, како и до лидерот на „Преродба“, Костадин Костадинов, за поддршката и можноста да биде дел од кандидатската листа за 52. состав на бугарското Народно собрание.

Зоран Мрсески е познат како водител на каналот „Б2 Канал Почетна Пресметка“, а истовремено е и претседател на здружението „Југ“, регистрирано во Прилеп.

Во својата објава тој нагласува дека во изминатите години ја покажал својата лојалност и посветеност кон идеите на партијата. Според него, доколку добие поддршка од гласачите, ќе продолжи да работи за заштита на бугарските интереси и за правата на Бугарите кои живеат надвор од Бугарија.

Мрсески упати и апел до бугарските граѓани кои живеат во Република Северна Македонија и поседуваат валидни бугарски документи за идентификација да излезат и да гласаат на изборите на 19 април.

„Вашиот глас е важен. Тој е право гарантирано со Уставот, но и должност на секој бугарски граѓанин“, наведува Мрсески во пораката, притоа повикувајќи ги Бугарите ширум светот да ја поддржат партијата „Преродба“ на претстојните избори.