04 јануари 2026
• од Станча Јаќимовски
Голема количина боева муниција, рачни гранати и мини била пронајдена во Гостиварско, информираат од СВР Тетово. Случајот бил пријавен на 3 јануари 2026 година во 18:25 часот.
Како што соопшти портпаролот на СВР Тетово, Фатмир Реџепи, опасните средства биле откриени при извршување градежни активности во близина на патот на делницата меѓу селата Митрови Крсти и Симница.
„При ископ со работна машина – багер, вработени во фирма која извршувала работни активности, пронашле две пластични буриња исполнети со куршуми, рамки за автоматско оружје, мини и други експлозивни средства“, изјави Реџепи.
Тој додаде дека местото веднаш било обезбедено од страна на полициски службеници и дека се преземаат соодветни мерки за безбедно расчистување на теренот, како и за целосно документирање на случајот.
Надлежните институции работат на утврдување на потеклото на пронајдените експлозивни средства и на околностите под кои тие се нашле на локацијата.
Ненадминливи Понуди Дневно
4.8 (10276 рецензии)
Заштедете 152.00 ден

