ЦУНАМИ ОД ЦЕНИ: Инфлацијата кај храната достигна 7%, нè очекува нов бран поскапувања на горивата и пченицата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ЦУНАМИ ОД ЦЕНИ: Инфлацијата кај храната достигна 7%, нè очекува нов бран поскапувања на горивата и пченицата

14 април 2026

• од Станча Јаќимовски

Борбата со високите трошоци за живот нема да заврши со оваа година. Напротив, прогнозите покажуваат дека не само 2026, туку и 2027 година ќе поминат во знакот на „војна“ со растечките цени. Најновата анализа на Народната банка за првпат ги лоцира ризиците од новиот воен конфликт на Блискиот Исток како главен катализатор за ценовните шокови што доаѓаат.

Храната сепак е „најскапа“ – двоцифрена инфлација кај основните производи

Иако официјалната статистика за март бележи вкупна годишна инфлација од 4,9%, реалноста во маркетите е многу поостра. Трошоците на живот само во категоријата „храна“ се зголемени за речиси 7% (6,96%), но кај клучните прехранбени артикли кои граѓаните ги користат секојдневно, инфлацијата е веќе двоцифрена.

Според анализата на податоците од Државниот завод за статистика, еве колку изнесува растот на цените кај одредени групи:

Месо: пораст од 12,8%
Шеќер: пораст од 10,22%
Млеко, млечни производи и јајца: пораст од 8,12%
Масла и масти: пораст од речиси 7%

Оваа статистика ги потврдува поплаките на граѓаните дека нивниот куповен капацитет сериозно се топи кога станува збор за основните прехранбени потреби како што се овошјето, месото, чајот и пијалаците.

Народната банка алармира: Блискиот Исток е „новиот фронт“ на инфлацијата

Народната банка во својот мартовски извештај јасно укажува на опасниот период што претстои. Наместо очекуваниот пад на цените на енергенсите кој беше предвидуван минатата есен, сега се очекува силен раст на цените на нафтата, како и на металите и пченицата.

„Поради воените случувања на Блискиот Исток, се очекува промена во понудата на пченица, што дополнително ќе ја зголеми несигурноста кај цените на лебот и тестенините“, истакнуваат од Народната банка.

Иако краткотрајните најави за мир донесоа мал здив и пад на нафтата под 95 долари по барел, економската заедница е претпазлива. Секое продолжување на тензиите директно ќе се одрази врз домашната економија преку увозните цени.

Власта се правда со „ланската ниска база“, се чекаат нови мерки

Премиерот Мицкоски го објасни повисокиот процент на инфлација како последица на „ниската база“ од минатата година, кога на сила беа владините мерки за „велигденските и рамазанските кошнички“. Тој тврди дека и покрај растот, Македонија сепак се држи подобро од многу европски земји, посочувајќи дека само Словенија, Словачка, Естонија и Белгија имаат пониска месечна инфлација.

Што следува следната недела? По завршувањето на велигденските празници, очите се вперени во Владата. Во вторник, врз основа на извештаите од инспекциските служби, ќе се носи одлука дали ќе се воведат нови мерки за замрзнување или ограничување на цените на основните производи.

Економистите предупредуваат дека 2026 година ќе биде критична, а несигурноста најверојатно ќе се прелее и во првата половина на 2027 година, правејќи го економското планирање за домаќинствата потешко од кога било.