Бесија Иљази ќе врати 659.831 денар на Клиниката за токсикологија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бесија Иљази ќе врати 659.831 денар на Клиниката за токсикологија

24 февруари 2026

• од Станча Јаќимовски

Поранешната економска директорка на Универзитетска клиника за токсикологија, Бесија Иљази, со судска одлука е задолжена да ѝ врати на установата 659.831 денар, средства кои незаконски биле исплатени на 17 хонорарно ангажирани лица.

Иљази претходно призна вина за кривичното дело „злоупотреба на службена положба и овластување“, откако без соодветна законска основа ангажирала хонорарци во рамки на јавната здравствена установа. По спроведената постапка, Клиниката поднела тужба против неа, барајќи надомест на материјална и нематеријална штета.

Одлука на судот

Според пресудата на Основен суд Тетово, Иљази е обврзана да ја надомести само материјалната штета, која изнесува 659.831 денар. Овој износ се однесува на средствата исплатени по основ на хонорари, а бил утврден со економско вештачење.

Барањето за нематеријална штета не било предмет на понатамошно разгледување, бидејќи Клиниката ја повлекла тужбата по тој основ. Ова следувало откако Иљази се согласила да ги покрие сите трошоци произлезени од судската постапка.

Условна осуда и пробациски надзор

Во кривичната постапка, Иљази била осудена на условна казна затвор од две години, која нема да се изврши доколку во наредните четири години не стори ново кривично дело. Покрај тоа, ѝ е изречена мерка на заштитен надзор, како и обврска да посетува пробациска индивидуална програма.

Со оваа пресуда, случајот доби правна разрешница во делот на материјалната одговорност, при што Клиниката ќе ги добие назад средствата исплатени по незаконска основа.