Ахмети: Непоколебливата поддршка кон САД е исправен и стратешки избор

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ахмети: Непоколебливата поддршка кон САД е исправен и стратешки избор

05 јануари 2026

• од Станча Јаќимовски

Претседателот на Демократската унија за интеграција (ДУИ), Али Ахмети, ја реафирмираше цврстата и долгорочна поддршка на партијата и на државата кон Соединетите Американски Држави, оценувајќи дека таквата ориентација била и останува јасен и исправен избор. Во писмено соопштение, кое го пренесе МИА, Ахмети се осврна на последната акција на САД во Венецуела и поширокиот ангажман на Вашингтон во спротивставувањето на авторитарните режими.

Ахмети истакнува дека го поддржува лидерството на американскиот претседател Доналд Трамп и улогата на САД во борбата против авторитаризмот, криминалните структури и организираниот криминал кои, како што наведува, претставуваат сериозна закана за слободата, демократијата и глобалната безбедност. Според него, цврстиот став на САД против нарко-лидерите и криминалните мрежи не е од значење само за американската национална безбедност, туку и за меѓународниот мир и стабилност.

Во пораката се нагласува дека народите имаат право да живеат слободно, во услови на демократски институции и владеење на правото, а не под страв и репресија. Ахмети потсетува дека историјата покажала оти кога Америка дејствува со решителност, слободата има предност и победува.

Тој посебно ја истакнува и историската поврзаност на земјата со САД, наведувајќи дека најдобро ја разбираат тежината и значењето на храбрите американски одлуки, бидејќи и сопствениот пат кон слободата е сведоштво за поддршката што ја добиле од Вашингтон. Во тој контекст, Ахмети потенцира дека трансатлантското партнерство е најсилно кога се темели на заеднички вредности и обединет став против тиранијата.

„Кога Америка стои силно, стоиме силни заедно“, порачува Ахмети, нагласувајќи ја определбата на ДУИ за продолжување и зајакнување на стратешкото партнерство со Соединетите Американски Држави.