Свети Павле Исповедник, патријарх Цариградски

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Свети Павле Исповедник, патријарх Цариградски

19 ноември 2025

• од Станча Јаќимовски

Свети Павле Исповедник е еден од најзначајните и најпостојаните бранители на православната вера во IV век. Неговото пастирско служење, исполнето со прогонства, страдања и маченичка смрт, оставило длабока трага во историјата на Црквата.

Изборот на нов патријарх

Кога патријарх Александар лежел на смртна постела, верниот народ со болка го прашал кого го остава за свој наследник. Тогаш тој им одговорил со зборови кои подоцна станале пророчки:
„Ако сакате да имате патријарх кој ќе ве учи и ќе ви блеска со добродетел, изберете го Павле; а ако сакате да имате само убав човек, однадвор украсен, изберете го Македониј.“

По неговата смрт, црковниот народ еднодушно го избрал Павле за патријарх, бидејќи го препознал неговиот вистински духовен авторитет и побожност.

Прогонствата и борбата со аријанците

Но изборот на свети Павле не бил по волја на аријанската партија, ниту на царот Констанциј, кој тогаш престојувал во Антиохија. Под влијание на аријанците, Павле бил симнат од престолот и принуден да побегне во Рим. Таму бил топло примен од папата Јулиј и од западниот цар Констанс, кои цврсто стоеле во одбрана на православието.

По нивното застапување, свети Павле бил повторно вратен на цариградскиот престол. Но по смртта на царот Констанс, аријанците повторно ја зацврстиле својата власт. Тие повторно го протерале Павле, овој пат во Кукуз, Ерменија.

Маченичката смрт

За време на неговото прогонство, свети Павле продолжил ревносно да служи и да ја брани православната вера. Еднаш, додека служел света литургија, бил нападнат од аријанците и на страшен начин убиен – удавен со сопствениот омофор околу 351 година. Со тоа свети Павле ја запечатил својата вера со маченичка смрт.

Пренесување на моштите

Во времето на цар Теодосиј Велики, неговите мошти биле свечено пренесени во Цариград во 381 година. Многу векови подоцна, во 1236 година, моштите биле однесени во Венеција, каде што и денес се чуваат со голема почит.