Денеска, 28 јануари 2026 година, се празнува Преподобен Павле Тивејски

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска, 28 јануари 2026 година, се празнува Преподобен Павле Тивејски

28 јануари 2026

• од Станча Јаќимовски

Преподобен Павле Тивејски е еден од најраните и највозвишени примери на христијанско подвижништво. Роден е од богати и угледни родители во Долна Тива (Теба) во Мисир, во времето на римскиот цар Декиј. По смртта на родителите, Павле го наследил нивниот голем имот заедно со својата сестра.

Меѓутоа, мирниот живот брзо бил нарушен. Неговиот зет, идолопоклоник по вера, посакал да го присвои и Павловиот дел од наследството. За да ја оствари својата намера, му се заканил дека ќе го пријави како христијанин пред властите, што во тоа време значело сигурно прогонство и страдање. Оваа неправда, заедно со силниот впечаток што врз Павле го оставиле самопожртвуваните подвизи на христијанските маченици, го навеле на радикална и духовно возвишена одлука.

Без двоумење, Павле се откажал од својот дел од имотот и, како ништо земно да не го врзува, се повлекол во пустината. Таму започнал живот на целосно отшелништво, молитва и духовен подвиг, далеку од светската врева. Во пустината тој се подвизувал до крајот на својот долг земен живот.

За духовната височина што ја достигнал Преподобен Павле сведочи и самиот Свети Антониј Велики. При една своја посета, Антониј бил сведок на чудесниот живот на Павле и видел како дивите ѕверови и птиците небесни му служат. Длабоко потресен од виденото, по враќањето им рекол на своите ученици:
„Тешко мене, деца мои, кој сум грешен и лажен монах, монах само по име. Го видов Илија, го видов Јован во пустината и навистина го видов Павле – во Рајот!“

Преподобен Павле Тивејски поживеал сто и тринаесет години и мирно се упокоил во Господ во 342 година. Неговиот живот останува светол пример на откажување од земното богатство и целосно предавање на Бога, поради што со право се смета за првиот и еден од најголемите пустиножители во историјата на христијанството.