Денес се празнуваат Светите бесребреници Козма и Дамјан

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денес се празнуваат Светите бесребреници Козма и Дамјан

14 ноември 2025

• од Станча Јаќимовски

Православната црква денес го слави споменот на Светите бесребреници и чудотворци Козма и Дамјан, заштитници на лекарите и лековитите молитви. На овој ден, според традицијата, се упатуваат молитви за здравје, особено за оние кои се борат со болест.

Живот и дело на светите браќа

Браќата Козма и Дамјан потекнувале од Рим. Од најмала возраст биле крстени и воспитани во христијански дух. Господ ги надарил со голем дар – да лекуваат само со положување на раце. Нивните исцеленија се случувале без лекови, со сила од Бога, а помогале не само на луѓе, туку и на животни.

Верни на Христовата заповед „бесплатно добивте, бесплатно давајте“, тие никогаш не примале плата за својот труд. Кога го наследиле големиот имот од родителите, целосно го раздале на сиромашните.

Нивната светост и човечка добрина предизвикале завист кај еден поранешен ученик, кој измамнички ги повикал во планина, под изговор дека ќе собираат лековити билки. Таму биле убиени со камења и го завршиле својот земен живот во 284 година.

Заштитници на лекарите и болните

Светите Козма и Дамјан се сметаат за покровители на лекарите, но и за чувари на сите кои се молат за здравје. Народното верување вели дека оние кои искрено ќе им се обратат во молитва, ќе ја почувствуваат нивната исцелителна сила.

Болните често даваат завет дека, доколку оздрават по нивното застапништво, посебно ќе ги празнуваат. И здравите, пак, се молат за добросостојба на своите ближни.

Во православната традиција, „бесребреници“ се нарекуваат светители кои лечат и чудотворуваат без да примат паричен надомест – токму такви биле Козма и Дамјан. Многу цркви низ Македонија се посветени токму на нив, а и некои лекарски здруженија го носат нивното име.

Браќата се упокоиле во местото Фереман, каде што и денес почиваат еден до друг. Според преданието, и по нивната смрт продолжиле да ги исцелуваат оние што ги повикуваат во молитва.

Обичаи и верувања

Според народните обичаи, на денешниот празник не се работат тешки домашни или полски работи. Се избегнува излегување од дома без посебна потреба, а денот е посветен на молитва, спокој и духовно смирение.

Христијаните се молат Светите Козма и Дамјан да застапуваат пред Бога за здравје, спасение и мир во домовите.

Честитки за празникот

На сите кои денес го празнуваат својот именден или домашната слава, им посакуваме многу години, радост, здравје и благослов од Бога. Нека светите браќа и бесребреници Козма и Дамјан ја излеат својата молитвена заштита врз сите нас.

Амин.