Денес се празнува Преподобен Алипиј Столпник

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денес се празнува Преподобен Алипиј Столпник

09 декември 2025

• од Станча Јаќимовски

Православната црква денес го чествува споменот на Преподобен Алипиј Столпник, еден од најпознатите подвижници и столпници во христијанската традиција. Роден во пафлагонискиот град Адријанопол, уште од најрана возраст му бил посветен на Бога и растел во духот на молитвата и богопосветениот живот.

Од ѓакон до столпник

Алипиј својата служба ја започнал како ѓакон во црквата на епископот Теодор. Но стремежот кон подлабок осаменички и молитвен живот го водел подалеку од градот, на едни запустени елински гробишта што луѓето ги избегнувале поради честите демонски привиденија. Токму таму светиот подвижник забил крст и изградил храм посветен на Света Ефимија, која, според преданието, му се јавила во сон.

Крај новоизградениот храм Алипиј подигнал висок столб и се искачил на него, започнувајќи подвиг каков што малкумина го издржале. На тоа место, во постојана молитва, пост и богомислие, поминал педесет и три години.

Борба со демонските искушенија

Животот на столбот не му бил само подвиг на трпение туку и непрестајна духовна борба. Свети Алипиј поднел безброј напади и маки од демоните – од страшни привиденија до фрлање камења, ден и ноќ. Но тој останал непоколеблив, оградувајќи се со знакот на крстот и со името Исусово, сѐ додека демоните конечно не се повлекле, победени од неговата духовна сила.

Почитуван духовник и чудотворец

По победата над демонските искушенија, славата за светителот се проширила. Луѓе од сите страни почнале да го посетуваат, барајќи молитви, утеха, поуки и исцеление. Крај неговиот столб биле изградени два манастири – еден машки и еден женски, во кој се замонашиле неговата мајка и сестра.

Преку својот пример и мудро слово, Алипиј ги раководел монасите и монахињите, блескајќи како „небесна светилка“ и покажувајќи го патот кон спасението. Според преданието, толку голема била Божјата благодат врз него што честопати бил озаруван од небесна светлина, над која се издигал светлосен столб до самото небо.

Прествување и почит

Свети Алипиј живеел повеќе од сто години и се упокоил во Господа во 640 година, за време на владеењето на цар Ираклиј. Неговите мошти продолжиле да бидат извор на чудеса, а неговата чесна глава денес се чува во манастирот Кутлумуш на Света Гора.