29 јануари – Спомен на Чесните Вериги на Светиот Апостол Петар

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

29 јануари – Спомен на Чесните Вериги на Светиот Апостол Петар

29 јануари 2026

• од Тодор Вангелов

Денешниот ден Светата Православна Црква го осветува со споменот на чесните вериги во кои беше окован Свети апостол Петар, кога беззакониот цар Ирод го фрли во темница. Овој настан, опишан во книгата Дела апостолски (Дела 12, 7), ни ја открива силата на Божјата промисла: при јавувањето на ангел Господов, веригите паднаа од рацете на апостолот, а затворските врати се отворија без човечка сила.

Веригите, сведоци на страдањето и избавувањето, христијаните ги чуваа не само како свет спомен на великиот врховен апостол, туку и како извор на благодатна исцелителна сила. Како што многумина се исцелуваа преку допир до ризата на апостолот Павле (Дела 19, 12), така и допирот до овие вериги донесуваше здравје на болните и утеха на нажалените. Црквата во ова препознава не магија, туку дејство на Божјата благодат, која се пројавува преку светите и преку предметите осветени со нивното страдање.

По Божја икономија, чесните вериги беа сочувани и предадени низ историјата. Ерусалимскиот патријарх, свети Јувеналиј, им ги подари на царицата Евдокија, благочестивата сопруга на царот Теодосиј Помладиот. Таа, исполнета со вера, ги раздели веригите: едната половина ја испрати во Цариград, во црквата на Светите апостоли, а другата ѝ ја довери на својата ќерка, царицата Евдоксија во Рим. Таму беа положени заедно со другите вериги, во кои апостолот Петар беше окован пред своето маченичко пострадање од царот Нерон.

Овој празник нè поучува дека Бог ги ослободува Своите слуги, и кога тие се наоѓаат во најтесните окови. Веригите на Петар, кои некогаш сведочеа за прогон и неправда, денес сведочат за победата на Христовата светлина над секоја темнина. Затоа, со благодарност и смирение, Му се молиме на Господа: да нè избави од духовните окови на гревот и стравот, и да нè утврди во верата на светите апостоли.