Голем пад на температурите: Следуваат дождови и крај на топлотните бранови

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ВРЕМЕ

Голем пад на температурите: Следуваат дождови и крај на топлотните бранови

10 јули 2025

• од Станча Јаќимовски

По неколку дена со екстремно високи температури, Македонија утрово се разбуди со значително посвежо време. Температурите на многу места паднаа и до 15 степени, додека во некои планински предели на запад се спуштија и под 10 степени. Причината за овој нагол пад е засиленото северно струење и продорот на ладен воздух од северозапад.

Како што информира метеопрогнозерот Славчо Попоски, денеска низ целата земја ќе дува засилен до повремено силен северен ветер, со брзина која на некои места може да надмине 60 км/час. Најизразен ќе биде ветерот во Повардарието, а силен северен ветер ќе се почувствува и во Скопскиот регион.

Максималните дневни температури денес ќе се движат во интервалот од 23 до 30 степени, со највисока вредност од околу 28 степени во главниот град.

Според најновите анализи на Европскиот метеоролошки модел (ECMWF), од следната седмица се очекува стабилна промена на времето – со врнежи од дожд и без најава за нови топлотни бранови.

„Според најновото ажурирање на Европскиот модел, следната недела конечно се очекуваат врнежи. Деновите стануваат сè пократки, што дополнително ги намалува шансите за нови екстремно топли бранови, кои според моделот, не се на повидок“, изјави Попоски.

Граѓаните конечно можат да здивнат по жештините кои доминираа изминатиов период, а дождовите и посвежите температури ќе донесат олеснување, особено за земјоделството и здравјето на населението.