Ахмети од Тирана: Образованието на албански јазик беше и останува темел на мојата политичка мисија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ВРЕМЕ

Ахмети од Тирана: Образованието на албански јазик беше и останува темел на мојата политичка мисија

02 октомври 2025

• од Станча Јаќимовски

Лидерот на Демократската унија за интеграција (ДУИ), Али Ахмети, сподели едно лично и историско сведоштво од 2001 година за време на свеченоста на Универзитетот Европски во Тирана, каде што му беше доделен почесниот докторат „Doctor Honoris Causa“.

Во своето обраќање, Ахмети се наврати на средбата со генерал Грегори Џ. Џонсон, командант на силите на НАТО во Наполи, која се одржала во текот на вооружениот конфликт во Македонија.

„Генерале, не можам да заминам без да се официјализира Универзитетот во Тетово. Тоа е уникатен случај во светот – универзитет кој е отворен со крв. Во неговите темели има жртви. Вие, Американците, сте патриоти и ја цените жртвата, како за својот народ, така и за другите“, му рекол Ахмети на генерал Џонсон.

Универзитетот како симбол на отпорот

Ахмети истакна дека иако во Рамковниот договор можело да се вметне образованието на албански јазик, сепак имал страв дека ќе се појават нови пречки околу официјализацијата на Универзитетот во Тетово.

„Тоа беше многу важен момент. Универзитетот веќе неколку години функционираше, првите генерации веќе дипломираа, и ние не можевме да дозволиме тој да остане непризнаен, без статус. За нас тој беше повеќе од универзитет – беше симбол на нашиот мирољубив отпор и колективната жртва“, рече тој.

Образованието на албански – темел на политичката мисија

Со ова сведоштво, лидерот на ДУИ нагласи дека образованието на мајчин јазик отсекогаш било една од главните цели во неговата политичка и национална борба. Тој додаде дека официјализирањето на Универзитетот во Тетово претставува една од најголемите придобивки во современата историја на Албанците во Северна Македонија.