Зеленски бара прекин на огнот и вистински безбедносни гаранции

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Зеленски бара прекин на огнот и вистински безбедносни гаранции

18 август 2025

• од Вардарски

Претседателот на Украина, Володимир Зеленски, изјави дека главната цел на претстојните разговори во Вашингтон е постигнување прекин на огнот и почеток на работа на конечно мировно спогодба. Ова тој го истакна на заедничка прес-конференција во Брисел со претседателката на Европската комисија, Урсула фон дер Лајен.

„Многу е важно што Европа е со нас и што разговараме со Америка заедно. Важно е и тоа што Вашингтон е со нас – во неколку формати решаваме што ќе дискутираме во САД“, нагласи Зеленски.

Преговори и услови

Украинскиот лидер посочи дека Владимир Путин поставил бројни барања, но тие не можат да се разгледуваат „под притисок на оружје“. Според него, неопходно е прво да се постигне прекин на огнот, а потоа брзо да се работи на конечно мировно решение. Зеленски додаде дека вистинските преговори може да започнат на линијата на фронтот, бидејќи тоа е „најдобриот можен компромис“.

Тој потсети дека според украинскиот Устав е забрането отстапување на територии или „тргување со земја“, нагласувајќи дека Русија веќе повеќе од една деценија не успева целосно да ја окупира Донецката област.

„Прашањата мора да се разгледуваат само на тројна средба меѓу претседателите на Украина, Русија и САД. Доколку Москва одбие, тогаш мора да следуваат нови санкции“, истакна Зеленски.

Безбедносни гаранции

Украинскиот претседател ја поздрави подготвеноста на Вашингтон за заедничка работа со Европа околу гаранциите за безбедност. „Ова е важна промена. Но ние мора да знаеме како овие гаранции ќе функционираат на дело – како што функционира Член 5 од НАТО. Дел од нив ќе биде и членството на Украина во ЕУ“, додаде тој.

Од своја страна, Урсула фон дер Лајен нагласи дека Европа мора да обезбеди „стабилни безбедносни гаранции за да ја заштити Украина и виталните интереси на самата Унија“. Таа изјави дека нема да има ограничувања за бројноста на украинската армија и дека Киев мора да се претвори во „челичен ѕвер“ што ќе одврати секој потенцијален агресор.

Санкции кон Русија

Фон дер Лајен потсети дека Европската унија ќе продолжи со санкциони притисок врз Русија додека трае крвопролевањето. „Веќе одобривме 18 пакети санкции и ја забрзуваме подготовката на 19-тиот, кој треба да биде усвоен на почетокот на септември“, додаде таа.