Во САД се роди „најстарото бебе во светот“ од ембрион замрзнат пред 30 години

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Во САД се роди „најстарото бебе во светот“ од ембрион замрзнат пред 30 години

04 август 2025

• од Станча Јаќимовски

На 26 јули во државата Охајо, САД, се роди момченце од ембрион што бил замрзнат пред повеќе од три децении – настан кој веќе се смета за медицински и биолошки преседан. Малиот Тадеус Даниел Пирс го здогледа светот благодарение на процедура за осиновување на ембрион, во семејството на Линдзи (34) и Тим Пирс (35) од градот Лондон, Охајо, јавува MIT Technology Review.

Замрзнатиот ембрион бил создаден уште во мај 1994 година, кога таткото на Тадеус бил само неколку години стар. „Пороѓајот беше тежок, но сега и двајцата сме добро. Тадеус е мирен и неверојатен – сè уште не можеме да поверуваме дека ова дете е наше“, сподели емотивно мајката Линдзи.

Процедурата за имплантација се извршила во државата Тенеси, каде што семејството патувало специјално заради третманот. Осиновувањето на ембрионот било овозможено преку програмата на агенцијата Nightlight Christian Adoptions, која им дозволува на донаторите да ги запознаат идните родители.

Историјата на ембрионот започнува со Лидија Арчард, денес 62-годишна жена. Во почетокот на 90-тите години таа и нејзиниот сопруг создале четири ембриони преку ин витро постапка, по неуспешни обиди за природно зачнување. Еден од ембрионите бил искористен уште во 1994 година и од него се родила ќерка, која денес има свое 10-годишно дете. Останатите три ембриони останале замрзнати – „моите три мали надежи“, како што ги нарекува Лидија.

И покрај разводот и неможноста да има второ дете, Лидија продолжила да плаќа 1000 долари годишно за да ги чува ембрионите. По влегувањето во менопауза, одлучила да ги донира – но со услов да знае кои ќе бидат идните родители. Така се вкрстиле животните патишта на Лидија и семејството Пирс.

„Кога ги видов сликите од бебето, веднаш забележав колку личи на мојата ќерка кога беше бебе. Ги споредив сликите од албумот – нема сомнеж, тие се брат и сестра“, раскажува трогнато донаторката.

Раждањето на Тадеус отвора нова страница во етичките и медицинските дебати за криоскладирањето, ембрионалното осиновување и поимот за „биолошко време“. За семејството Пирс, сето тоа има едноставно значење: „Сакавме само да имаме бебе“, вели Линдзи.