Високи државни и воени лидери на чествувањето на бугарската Копнена војска

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Високи државни и воени лидери на чествувањето на бугарската Копнена војска

21 ноември 2025

• од Станча Јаќимовски

Бугарија на 19 ноември го прослави Денот на Копнената војска со традиционална свеченост пред Пантеонот „Мајка Бугарија“ кај селото Гургулат, соопшти Министерството за одбрана. На настанот присуствуваа бројни високи претставници на државниот и воениот врв.

Меѓу присутните беа претседателот и врховен командант на вооружените сили Румен Радев, заменик-министерот за одбрана Радостин Илиев, началникот на Генералштабот адмирал Емил Ефтимов, командантот на Копнената војска генерал-мајор Дејан Дешков, како и високи офицери, поранешни команданти, воени аташеа и локални функционери.

Пофалби за трудот и историското наследство

Во поздравното обраќање до припадниците на Копнената војска, заменик-министерот Илиев истакна дека ова е ден кога се чествува најстарата гранка на бугарските вооружени сили – силата што ги поставила темелите на современата армија.

Тој ја нагласи нивната улога во мисиите, вежбите и операциите, како и придонесот за националната безбедност:
„Копнената војска е наследник на генерациите кои се бореле за ослободување, обединување и одбрана на Бугарија – достоен наследник на хероите од Сливница и Гургулат“, порача Илиев.

Тој посочи дека Министерството за одбрана работи на подобрување на условите за работа, зголемување на примањата и модернизација на техниката.

Модернизацијата продолжува

Адмирал Емил Ефтимов се заблагодари за професионалната работа на припадниците на Копнената војска, особено за учествата во мировни мисии и за помошта што ја даваат на цивилите при природни непогоди и обезвредување неексплодирани боеприпаси.

Тој потсети дека модернизацијата на бугарските вооружени сили напредува:

се примаат нови борбени авиони,
се тестира првиот борбен брод изграден во Бугарија,
се очекува пристигнување на нови борбени и транспортни возила за единиците на Копнената војска.

Ефтимов нагласи дека во 2025 година е забележан раст во пополнетоста на армијата, што се должи на подобрените плати и социјалниот пакет.

Историски значаен датум

Командантот генерал-мајор Дејан Дешков потсети дека токму на 19 ноември пред 140 години обновената бугарска држава повторно ги воспоставила своите темели, а бугарските војници ја бранеа нејзината независност.

„И денес, како и пред 140 години, силата на Копнената војска се луѓето – нивните знаења, умеења и решителност“, истакна тој. „Се соочуваме со предизвици, но знаеме каде одиме и ниту една пречка нема да нè сопре.“

Одликувања и оддавање почит

За време на свеченоста беа врачени награди на воени и цивилни лица. Пред Пантеонот беше одслужен молебен и беа положени венци и свежо цвеќе.

Програмата започна во Сливница, каде пред споменикот „Петтемина капетани“ беа положени венци. Потоа припадници на Копнената војска маршираа на пешачката рута „По стапките на Сливничките херои“, што заврши кај монументот „Хероите на Сливница“, каде повторно беше оддадена почит.