Трамп му дава 10-12 дена на Путин за решение за Украина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Трамп му дава 10-12 дена на Путин за решение за Украина

29 јули 2025

• од Станча Јаќимовски

Американскиот претседател Доналд Трамп најави дека значително го скратува рокот што неодамна му го постави на рускиот претседател Владимир Путин за наоѓање решение за конфликтот во Украина. Наместо првичните 50 дена, Трамп сега му дава на Путин рок од само 10 до 12 дена, пренесува агенцијата „Ројтерс“.

„Многу сум разочаран од претседателот Владимир Путин“, изјави Трамп пред новинарите за време на неговата посета во Шкотска. Тој додаде: „Ќе го скратам рокот од 50 дена што му го дадов — сега станува збор за пократок период“.

На прашање на новинар колку точно ќе изнесува новиот рок, Трамп одговори: „Мислам дека ќе бидат 10-12 дена, сметајќи од денес“.

Претседателот на САД истакна дека бил „многу великодушен“ кога на Путин му понудил рок од 50 дена, но ситуацијата, според него, не оди во позитивна насока.

„Не ме интересира повеќе да зборувам“, рече Трамп, одговарајќи на прашање дали лична средба со рускиот претседател би можела да придонесе за подобрување на односите и постигнување прекин на огнот во Украина. Тој посочи дека веќе неколкупати разговарал со Путин, но, како што нагласи, Русија продолжила со нападите врз Украина и по тие разговори.

На 14 јули Трамп јавно го повика Кремљ да ги прекине воените дејствија во Украина во рок од 50 дена, предупредувајќи дека во спротивно ќе воведе „многу строги санкции“ против Русија. Неговите најнови изјави укажуваат на заострување на ставот кон Москва, откако обидите за дипломатско решение останаа без резултат.

Трамп во моментов престојува на кратка посета во Обединетото Кралство, каде што денеска треба да се сретне со британскиот премиер Кеир Стармер во Лондон. На агендата се очекува да бидат повеќе меѓународни теми, меѓу кои и војната во Украина и економските односи меѓу САД и Велика Британија.