Трамп до Путин: Имаш 10 дена од денес за мировен договор

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Трамп до Путин: Имаш 10 дена од денес за мировен договор

30 јули 2025

• од Станча Јаќимовски

Американскиот претседател Доналд Трамп официјално постави нов ултиматум до рускиот претседател Владимир Путин — рок од десет дена за постигнување на мировен договор и прекин на војната во Украина.

„Десет дена од денес… и потоа, знаете, ќе воведеме царини и други мерки. Не знам дали тоа ќе ја погоди Русија, бидејќи очигледно претседателот Путин сака, веројатно, да ја продолжи војната. Но, ние ќе воведеме такви мерки кои може да го погодат“, изјави Трамп пред новинарите додека се враќаше од Шкотска со претседателскиот авион „Air Force One“.

Трамп додаде дека Русија сè уште не дала одговор на неговиот ултиматум и го оцени тоа како „срамно“, потенцирајќи дека војната во Украина е „одвратна“. Тој исто така истакна дека не е загрижен за последиците од воведувањето санкции врз рускиот нафтен сектор.

Кремљ досега не даде официјална изјава по повод коментарите на Трамп, но претходниот ден соопшти дека е очигледно оти САД продолжуваат да ѝ испорачуваат оружје и муниција на Украина.

Според изјава на службеник од Белата куќа, Трамп планира да воведе „100% царини“ на сите руски производи и дополнителни секундарни санкции за државите што продолжуваат да купуваат руска нафта, доколку не се постигне мировен договор во зададениот рок.

Овој ултиматум дополнително ги зголемува тензиите во меѓународната заедница и се очекува да предизвика реакции во Москва и кај сојузниците на Русија.