Тинејџер од Македонија повторно осомничен за терористички планови во Австрија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Тинејџер од Македонија повторно осомничен за терористички планови во Австрија

17 октомври 2025

• од Станча Јаќимовски

Австриските власти повторно уапсиле двајца тинејџери, еден со потекло од Македонија и еден од Чеченија, под сомнение за терористички активности. Двајцата млади, кои веќе еднаш беа осудени во 2023 година за планирање напад врз средно училиште во Леобен, повторно се наоѓаат во притвор, јавува порталот Heute.

Повторна радикализација по ослободувањето

Според австриските медиуми, тинејџерот од Македонија, кој сега има 17 години, бил ослободен предвреме по отслужување на две третини од казната. По излегувањето од затвор, бил подложен на мерки за дерадикализација и психотерапија, под надзор на судските органи.
Меѓутоа, обвинителството тврди дека младиот повторно покажал знаци на радикализација. Се сомничи дека планирал ново крвопролевање, овојпат со автоматска пушка, како и дека се обидувал да обезбеди финансиски средства за купување оружје. Според извештаите на Kronen Zeitung, тој одбива да соработува со истражните органи.

Апсење на границата со Македонија

Неговиот поранешен соучесник, 18-годишен тинејџер со потекло од Чеченија, бил уапсен на границата со Македонија кон крајот на август. Тој се враќал од својата татковина кога бил задржан од австриската полиција. И тој е обвинет за нови терористички планови, кои наводно вклучувале и употреба на експлозивни направи.

Поради сериозноста на сомневањата, младиот Чечен повторно е во затвор, по што му е активирана претходно суспендираната казна од првото судење.

Историја на случајот

Во летото 2023 година, регионалниот суд во Леобен ги осуди двајцата малолетници на делумно условни казни од 15 и 16 години. Тогаш беа прогласени за виновни за подготовка на терористички напад и планирање на воспоставување калифат во Австрија со целено убивање на христијани.

Австриските безбедносни служби најавија дека ќе продолжат со засилени мерки на надзор и дерадикализација на малолетници кои покажуваат екстремистички тенденции.