Српскиот претседател Вучиќ се изгуби меѓу столчињата во Копенхаген

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Српскиот претседател Вучиќ се изгуби меѓу столчињата во Копенхаген

03 октомври 2025

• од Станча Јаќимовски

На самитот во Копенхаген, каде европските лидери се собираат да решаваат за иднината на континентот, српскиот претседател Александар Вучиќ реши да го реши најголемиот европски предизвик: каде е неговото столче.

Видеото што кружи на социјалните мрежи изгледа како сцена од реалити шоу – сите седнати, мирни, дипломатски насмеани, само Вучиќ стои збунето како да влегол во погрешна сала на свадба.

Прво се огледуваше како да очекува дека некој ќе му мавне со рака: „Александар, тука сме, еве ти ја резервата со твое име!“ Но наместо тоа, присутните го гледаа со истиот интерес како што човек гледа мува на стакло – присутна, ама неважна.

Првиот обид: туѓото столче

Со храбар чекор, претседателот се упати кон стол што очигледно не беше негов. Но, таму веднаш му беше ставено до знаење: „Извини, ова е зафатено.“
Во тој момент, Вучиќ изгледаше како ученик кој се обидува да седне во клупа на „лошите момци“, ама наставничката го враќа назад на последниот ред.

Кулминацијата: столот што не издржа

Како за крај на оваа дипломатска опера, успеа и да скрши стол. Ако ништо друго, барем остави траен впечаток. Додека другите лидери дискутираа за климатски промени и економски реформи, Србија беше единствената земја која директно придонесе за проблемот со отпадот – со ново скршен мебел.

Европа ќе памети

Наместо по говори или иницијативи, Вучиќ повторно ќе остане запаметен по своите авантури со седнување. Ако продолжи со овој тренд, следниот пат Европската унија веројатно ќе мора да воведе работна група за стабилност на мебел и протокол за пронаоѓање столови – специјално за него.