Софија бара европска реакција за институционален притисок врз бугарски државјани во С. Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Софија бара европска реакција за институционален притисок врз бугарски државјани во С. Македонија

01 април 2026

• од Станча Јаќимовски

Претседателот на Комисијата за политики за Бугарите во странство при Народно собрание на Република Бугарија, Стојан Таслаков, испрати официјални писма до европските институции и пратеници во Европскиот парламент со барање за итна реакција поради, како што наведува, системски притисок врз бугарски државјани во Република Северна Македонија.

Според информациите доставени до Комисијата, случајот се однесува на новинар со бугарско државјанство кој бил ставен на т.н. „црна листа“, при што локалните власти наводно применувале институционален притисок. Во пријавата се наведуваат задржувања без правна основа, полициски претреси и ограничување на слободата на движење.

Комисијата посочува дека притисокот се засилил по започнување на политички емисии во живо, што, според нивната оценка, укажува на можна поврзаност меѓу мерките и новинарската и јавната активност на засегнатото лице.

Во своето обраќање, Таслаков нагласува дека слободата на говор и правото на изразување се темелни вредности на Европска унија. Тој истакнува дека, доколку се потврдат наводите, ваквите практики се неприфатливи и бараат итна меѓународна реакција.

Комисијата апелира до европските институции да спроведат независна проверка на случајот, да побараат официјални објаснувања од властите во Северна Македонија и да обезбедат соодветна заштита на правата на засегнатите лица.

Овој случај, според бугарската страна, отвора прашања за почитувањето на човековите права и медиумските слободи во контекст на европските стандарди и процесите на интеграција.