САД испорачаа нова пратка на оклопни транспортери за Косово

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

САД испорачаа нова пратка на оклопни транспортери за Косово

17 јули 2025

• од Станча Јаќимовски

Косовските безбедносни сили добија нова пратка на американски оклопни транспортери М1117, што претставува уште еден значаен чекор во процесот на модернизација и вооружување на косовската армија. Министерството за одбрана на Косово ја потврди испораката, но не го објави точниот број на пристигнати возила.

На социјалните мрежи и во локалните медиуми се појавија снимки на кои се гледаат камиони што ги транспортираат оклопните возила, препознатливи по нивната издржливост и употреба во американската армија. Според неофицијални информации, ова е прва од неколкуте планирани пратки кои ќе следуваат во наредниот период.

„Потврдуваме дека добивме неколку оклопни возила, произведени во САД, кои беа набавени во рамките на билатералниот план за купување меѓу двете држави, претходно одобрен“, соопшти Министерството за одбрана на Косово.

Оваа испорака е дел од пошироката стратешка соработка помеѓу Косово и Соединетите Американски Држави во областа на одбраната. Во рамките на оваа соработка, минатата година американскиот Конгрес одобри испорака на 246 противтенковски ракети „Џавелин“ за Косово, во вредност од 75 милиони долари.

Новите оклопни транспортери М1117 се очекува значително да ја подобрат мобилноста, заштитата и оперативните капацитети на косовските безбедносни сили. Властите во Приштина ја оценуваат оваа аквизиција како клучен чекор за јакнење на националната безбедност и придонес кон стабилноста на регионот.