Раева остро до руската легенда: „Запомни го моментот кога судиите аплаудираа на Бугарките!“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Раева остро до руската легенда: „Запомни го моментот кога судиите аплаудираа на Бугарките!“

02 август 2025

• од Станча Јаќимовски

Претседателката на Бугарската федерација за ритмичка гимнастика, Илијана Раева, остро одговори на навредливите коментари од руската тренерка Вера Шаталина, која во неодамнешно интервју изјави дека бугарските гимнастичарки „немаат фигура за ритмичка гимнастика“.

Раева, позната по својата страстна посветеност на овој спорт, не остана должна. Таа преку јавна објава ја бранеше честа и изгледот на бугарските спортистки, упатувајќи и директен повик до Шаталина – да ги научи своите гимнастичарки да прифаќаат пораз со достоинство.

„Со своите непромислени и неадекватни изјави за бугарските гимнастичарки, Вера, предизвикуваш во мене само насмевка исполнета со сожалување“, напиша Раева. „Ние во светот на ритмичката гимнастика добро се познаваме. И затоа треба да покажеш повеќе почит кон бугарските гимнастичарки.“

Раева ја потсети Шаталина на еден посебен момент од Олимписките игри во Токио 2020, кога бугарскиот ансамбл освои злато:

„Кога нашиот тим мина покрај судиската маса, сите судии станаа и аплаудираа. Тоа кажува сè.“

Во однос на спорниот коментар за „неадекватна фигура“, Раева беше јасна:

„Убавината на Бугарките е општо позната. И таа не се состои во несразмерна должина на нозете. Големи шампиони знаат да губат и да го честитаат победникот. Големи тренери треба да ги научат своите ученици на истото.“

Таа исто така посочи дека дури и легендарната Ирина Винер, водечката фигура на руската гимнастика, во повеќе наврати јавно изјавувала дека учела од бугарската школа.

Раева заврши со зборови на почит кон руските успеси, но и со остар потсетник:

„Очигледно, поразот од Токио оставил длабоки и непоправливи траги…“

Со оваа изјава, Раева не само што ги одбрани своите спортистки, туку и испрати порака за фер игра, почит и достоинствено прифаќање на реалноста – дури и кога таа значи пораз.