Полска пресретна руски разузнавачки авион над Балтичкото Море

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Полска пресретна руски разузнавачки авион над Балтичкото Море

25 декември 2025

• од Станча Јаќимовски

Полските вооружени сили соопштија дека нивни борбени авиони пресретнале руски разузнавачки авион над меѓународните води на Балтичкото Море, кој летал во близина на полскиот воздушен простор. Информацијата ја пренесе Ројтерс, повикувајќи се на официјално соопштение на полската армија.

„Утрово, над меѓународните води на Балтичкото Море, полски ловци пресретнаа, визуелно идентификуваа и го ескортираа од својата зона на одговорност руски разузнавачки авион што леташе близу до границите на полскиот воздушен простор“, се наведува во соопштението.

Армијата информира и дека во текот на ноќта биле забележани објекти кои навлегувале во полскиот воздушен простор од правец на Белорусија. По извршената анализа било утврдено дека најверојатно станува збор за шверцерски балони, кои се движеле согласно насоката и брзината на ветерот.

Како мерка на претпазливост, дел од воздушниот простор над Подласкиот регион во североисточна Полска, кој граничи со Белорусија, привремено е затворен за цивилен воздушен сообраќај со цел да се гарантира безбедноста.

Земјите од источниот фланг на НАТО се во зголемена состојба на готовност уште од септември, кога три руски воени авиони го нарушија воздушниот простор на Естонија во траење од 12 минути. Инцидентот се случи само неколку дена по навлегувањето на повеќе од 20 руски дронови во полскиот воздушен простор.