Полициска бруталност на српскиот режим на Вуќиќ вчеравечер на протестите во Србија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Полициска бруталност на српскиот режим на Вуќиќ вчеравечер на протестите во Србија

14 август 2025

• од Станча Јаќимовски

Во повеќе градови низ Србија вечерва се одржаа протести под слоганот „Србијо, пробуди се“, организирани од граѓани и студенти, како реакција на инцидентите и политичките случувања во земјата.

Протестите најчесто започнуваа мирно пред просториите на Српската напредна странка, но во бројни градови доаѓаше до тензии и судири со симпатизери на владејачката партија.

Белград – силно полициско присуство и употреба на сила

Во главниот град Белград, протестот беше обележан со силно присуство на жандармеријата и полицијата. Органите на редот користеа шок-бомби и солзавец за да ја растурат толпата. Министерот за внатрешни работи, Ивица Дачиќ, изјави дека се повредени шест полицајци, а приведен е и значителен број граѓани.

На социјалните мрежи се појави вознемирувачко видео од улицата Неманина, каде полицајци приведуваат двајца млади лица, а едниот од нив, кој лежи на подот, е наизменично удиран во главата додека се обидува да го заштити лицето. Овој снимок предизвика остри реакции и обвинувања за полициска бруталност и прекумерна употреба на сила.

Инциденти и во други градови

Во Нови Сад, демонстрантите користеа пиротехнички средства, а беа оштетени и просториите на СНС во центарот на градот. На интернет се појавија фотографии од лице кое држи пиштол, за кое министерот Дачиќ рече дека било на службена задача за обезбедување на заштитена личност.

Во Ниш протестот помина без поголеми инциденти, но жандармеријата беше присутна и во Валево, Крагуевац и Чачак. Во Врање, пак, силни полициски сили спречија блокада на крстосницата пред просториите на СНС.

Контекст

Овие протести следат по немирите во Врбас и Бачка Паланка, и се дел од пошироко незадоволство на граѓаните, кои велат дека сакаат промени, повеќе демократија и одговорност од институциите.