Откриено најстарото злато во Европа во бугарскиот град Пазарџик

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Откриено најстарото злато во Европа во бугарскиот град Пазарџик

20 август 2025

• од Станча Јаќимовски

Археолозите направија сензационално откритие кај селото Јунаците, во близина на Пазарджик – мало златно монисто, кое според истражувањата е најстарото злато пронајдено во Европа. Овој артефакт е датиран неколку века порано од познатиот варненски халколитен некропол, што го менува досегашното читање на историјата на овие простори.

Градот на птиците – висока култура пред 8.000 години

Златното монисто е пронајдено во рамките на археолошките ископувања на т.н. „Град на птиците“. Овој древен град, основан пред околу 8.000 години, бил населуван од луѓе кои поседувале висока култура и добро развиена цивилизација. Иако куќите им биле изградени од дрвени прути и глина, археолозите откриле докази за организирано живеење, специјализирано производство и напредни општествени односи.

Особено значајни се просториите со повеќе камени жрнови за мелење жито, што упатува на заедничко користење или размена на храна. Археолозите откриваат и камени алатки, како и култни предмети со мотиви од птици – јасен показател за верувањето во птиците како прародители и духовни симболи.

Уметност, култ и трагедија

„Градот на птиците“ не бил само населба, туку вистински урбан центар – со улици, јавни згради и култни места. Фигурините со облик на птица-човек сведочат за духовниот живот и уметничкиот израз на овие луѓе. Тие живееле во изобилство и се посветувале на создавање и култура.

Но, околу 6.000 години пред нашата ера, нивниот град бил нападнат и уништен од примитивни племиња кои веќе го имале опитомено коњот. Археолошките наоди со траги од оружје сведочат за нерамноправната битка – мирните земјоделци и занаетчии биле победени од воинствени коњаници.

Ново поглавје во европската историја

Откритието на златното монисто кај Јунаците не е само археолошка сензација, туку и историски пресврт. Тоа покажува дека на овие простори постоеле култури со високо развиени општествени, економски и духовни системи многу порано отколку што се претпоставуваше.

„Градот на птиците“ со своето злато, уметност и култ ја потврдува длабоката и богата традиција на цивилизациите што го населувале Балканот пред милениуми.