НАТО ја нагласува стратешката важност на Арктикот на средба во Брисел

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

НАТО ја нагласува стратешката важност на Арктикот на средба во Брисел

19 јануари 2026

• од Станча Јаќимовски

Генералниот секретар на НАТО, Марк Руте, денеска во седиштето на Алијансата во Брисел оствари билатерална средба со министерот за одбрана на Кралството Данска, Троелс Лунд Поулсен, и министерката за надворешни работи на Гренланд, Вивиан Моцфелд.

На средбата беше истакната клучната важност на Арктикот, вклучително и Гренланд, за колективната безбедност на Алијансата. Соговорниците разговараа за актуелната безбедносна средина во Високиот Север и за напорите на НАТО за зајакнување на одвраќањето и одбраната во овој стратешки значаен регион.

НАТО во последните години континуирано ја зголемува својата способност за присуство и дејствување во Арктикот, со цел зачувување на мирот и стабилноста и заштита на заедничките интереси на сојузниците. Алијансата веќе одржува постојано присуство во регионот, а земјите членки инвестираат во клучни воени капацитети и способности.

Данска беше посочена како значаен пример во овој контекст, особено преку набавката на дополнителни капацитети за воздушно полнење гориво, беспилотни летала со долг дострел, поморски патролни авиони и борбени авиони од типот Ф-35.

Сојузниците се согласија дека ќе продолжат тесно да соработуваат со цел Алијансата да располага со сите неопходни средства за справување со безбедносните предизвици во секој дел од НАТО, вклучително и во Арктичкиот регион.