Мерц до Путин: Прекинете ги нападите врз Украина барем за Божиќ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Мерц до Путин: Прекинете ги нападите врз Украина барем за Божиќ

16 декември 2025

• од Станча Јаќимовски

Германскиот канцелар Фридрих Мерц го повика рускиот претседател Владимир Путин да ги прекине воените дејствија во Украина за време на Божиќ, јави германската новинска агенција ДПА.

„Можеби руското раководство сè уште има барем капка човечност и за неколку дена за Божиќ ќе го остави цивилното население на мир од овој терор“, изјави Мерц во понеделникот вечерта во Берлин, на заедничка прес-конференција со украинскиот претседател Володимир Зеленски.

Како очигледен одговор на забелешките на Мерц за човечкото достоинство, Зеленски, според официјалниот превод, додаде: „Нема такви остатоци [од достоинство кај Путин – заб. ред.], но сè е можно.“

Германскиот канцелар ги опиша руските напади врз градинки, болници и енергетска инфраструктура како „терор врз цивилното население“. Тој истакна дека евентуалното примирје за време на Божиќ „би можело да биде и почеток на разумни, конструктивни преговори за тоа како да се постигне траен мир во Украина“.

На прашањето дали очекува примирје до Божиќ, Мерц одговори претпазливо, нагласувајќи дека „тоа во целост зависи од руската страна“. Според него, за време на дводневните разговори во Берлин биле изработени заеднички предлози на Европа, Украина и Соединетите Американски Држави, кои сега ќе ѝ бидат презентирани на Русија.

„Сега целосно од Русија зависи дали ќе се постигне примирје до Божиќ“, повтори Мерц.

Тој, заедно со францускиот претседател Емануел Макрон и британскиот премиер Кир Стармер, ги предводи европските напори за поддршка на Киев. Претставници од Германија, Велика Британија и Франција овој викенд разговараа за предлози за запирање на војната во Украина.

Во моментов е во изработка и мировен план од 20 точки, поддржан од САД, кој предвидува и територијални отстапки од страна на Украина. Според еден од разгледуваните предлози, регионот Донбас би можел да биде претворен во зона за слободна трговија, во која американски компании би можеле слободно да оперираат.