Макрон: Европа и Украина мора да настапат со заедничка позиција во Вашингтон

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Макрон: Европа и Украина мора да настапат со заедничка позиција во Вашингтон

18 август 2025

• од Станча Јаќимовски

Францускиот претседател Емануел Макрон изјави дека Европа и Украина треба да излезат со единствена и јасна позиција на претстојните разговори во Вашингтон. Ова тој го нагласи по самитот на „Коалицијата на желните“, пренесуваат Ројтерс и Франс прес.

Поддршка за Украина и предупредување до Русија

„Ако денес се појавиме ослабени пред Русија, тогаш ние поставуваме темели за идни конфликти“, рече Макрон. Тој додаде дека сојузниците на Киев ја потврдиле својата поддршка за силен и траен мир, како и за зачувување на територијалниот интегритет на Украина.

Според него, единствената држава која нуди „мир“ што во суштина значи капитулација е Русија, а претседателот Владимир Путин не е заинтересиран за вистинско решавање на конфликтот.

Очекувања од САД

Францускиот претседател објави дека утре европските лидери ќе побараат јасност од американскиот претседател Доналд Трамп во врска со неговата заложба за гаранциите за безбедноста на Украина. Тој потсети дека украинската армија останува првиот столб на сите можни гаранции за државата.

Европа на преговарачката маса

Макрон истакна дека само украинските власти можат да одлучуваат за прашањата поврзани со териториите, но и дека Европа мора да има свое место на преговарачката маса секогаш кога се разгледуваат теми кои ја засегаат.