Лупа.бг: Тајна средба во ЕП – обвинувања за обид за „демонтажа“ на Францускиот предлог

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Лупа.бг: Тајна средба во ЕП – обвинувања за обид за „демонтажа“ на Францускиот предлог

24 март 2026

• од Станча Јаќимовски

Бугарскиот портал „Лупа.бг“ пренесува дека во пресрет на клучната седница на известувачите во Европскиот парламент, закажана за 25 март, се одржала наводна тајна средба на која присуствувале известувачи, лобисти и министерот за надворешни работи на Северна Македонија, Тимчо Муцунски.

Според порталот, во фокусот на средбата биле предложените измени во извештајот за Република Северна Македонија, зад кои стои известувачот Томас Вајц. Од фондацијата „Македонија“, чиј претседател Стојанов е цитиран во текстот, се изразува загриженост дека овие измени претставуваат обид за „демонтажа“ на т.н. Француски предлог, кој е основа на преговарачката рамка на земјата со Европската унија.

Во изјавата се наведува дека доколку предложените формулации останат во извештајот, тие би можеле да бидат искористени од Скопје како средство за политички притисок, со цел да се поткопа договорената рамка за преговори, но и да се засили анти-европската и анти-бугарската реторика во земјата.

Особено спорни, според бугарскиот извор, се неколку предлози:

Повик до Советот на ЕУ да се укине правото на земјите членки за меѓуфазно вето кон кандидатите, што според нив е спротивно на принципите на Унијата и директно ѝ оди во прилог на Северна Македонија.
Воведување формулација дека во преговарачкиот процес не треба да се поставуваат услови поврзани со национален идентитет и јазик, туку да се следи рамката на Обединетите нации.
Барање Европскиот парламент да се произнесе за улогата на Протоколот 2 од Договорот меѓу Бугарија и Северна Македонија во преговарачката рамка, што се оценува како надминување на надлежностите на Парламентот.
Повик за имплементација на одлуки од Европскиот суд за човекови права, што според критичарите претставува мешање во институции надвор од ЕУ.

Стојанов во својата изјава поставува и прашање дали Вајц дејствува како лобист на „трети страни од истокот“, кои, како што тврди, имаат интерес од создавање внатрешни кризи и поделби во Европската унија.

Средбата на т.н. „известувачи во сенка“ со Вајц се оценува како клучна, бидејќи токму таму ќе се усогласуваат компромисните амандмани кои подоцна ќе се разгледуваат во Комисијата за надворешни работи (AFET) на Европскиот парламент.

Од бугарска страна предупредуваат дека ваквите иницијативи можат да ја нарушат довербата во европските институции и да создадат преседан во процесот на проширување, преку заобиколување на веќе договорените механизми.