Каја Шукова: Имам решенија Скопје да биде град на граѓаните

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Каја Шукова: Имам решенија Скопје да биде град на граѓаните – зелен, функционален и чист

29 јули 2025

• од Станча Јаќимовски

Кандидатката за градоначалничка на Град Скопје од редовите на СДСМ, Каја Шукова, во гостување на телевизијата Канал 5, истакна дека нејзиниот пристап кон управување со градот ќе биде насочен кон решенија што ќе го направат Скопје функционален, зелен и пред сè – град на граѓаните.

„Јас сум тука да понудам решенија. Скопје мора да стане град на граѓаните, со зеленило, ефикасен јавен транспорт и чиста животна средина. Хигиената мора да стане приоритет број еден“, нагласи Шукова во емисијата Вести плус.

Решенија за хигиената и отпадот

Шукова потенцираше дека хигиената и неуредното собирање на отпад се меѓу најголемите проблеми со кои се соочуваат скопјани. Таа предложи зајакнување на капацитетите на ЈП Комунална хигиена и набавка на нова опрема, заедно со воведување дигитален систем за оптимизирање на рутите за собирање на отпадот.

„Градот мора да има ефикасен и современ систем – софтвер што ќе овозможи подобро планирање, заштеда на време и ресурси, и конечно – почист Скопје“, рече таа.

Дополнително, таа се осврна и на проблемот со дивите депонии, најавувајќи воведување на комунална полиција и посериозни мерки за превенција и казнување.

Јавен превоз – време е за БРТ

Како едно од клучните прашања, Шукова го потенцира јавниот превоз, за кој вели дека е неефикасен и нефункционален. Таа се залага за реализација на веќе подготвениот проект за брз автобуски транспорт (БРТ).

„Проектот е подготвен и обезбедени се финансиски средства. Тоа значи дека веднаш може да се премине во реализација – без одложувања“, изјави Шукова, додавајќи дека две главни линии ќе го заменат најголемиот дел од сегашниот автобуски систем, надополнет со еколошки автобуси.

Борба против загадувањето и поддршка за енергетска ефикасност

Во врска со загадувањето, Шукова најави мерки за поддршка на граѓаните преку субвенции за енергетска ефикасност и промена на начинот на затоплување, со учество и на општините.

„Контролата врз индустриското загадување мора да биде посериозна. Индустријата мора да вложува повеќе средства за да ги реши проблемите што ги создава“, порача таа, повикувајќи и на имплементација на механизмите за самоконтрола предвидени во интегрираните дозволи.

Стоп за дивоградбите

За прашањето на дивоградбите, Шукова беше категорична: тие се и урбанистички и безбедносен проблем.

„До тие објекти често не можат да пристапат ни брзата помош, ни пожарникарите. Ќе има нулта толеранција за дивоградби – и на ниво на градот и на ниво на општините“, истакна таа.

„Ќе бидам гласна за интересите на граѓаните“

Каја Шукова порача дека нејзината улога како иден градоначалник ќе биде активно застапување на интересите на граѓаните.

„Ќе бидам гласна за сè што не е во интерес на скопјани. Скопје заслужува да биде град со чист воздух, функционален превоз и урбано планирање во служба на луѓето“, заклучи Шукова.