Грција сè уште ја користи кратенката ФИРОМ и покрај потпишаниот Преспански договор

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Грција сè уште ја користи кратенката ФИРОМ и покрај потпишаниот Преспански договор

28 јули 2025

• од Станча Јаќимовски

И покрај тоа што е потписничка на Преспанскиот договор, Грција и понатаму ја користи кратенката ФИРОМ (ПЈРМ) кога се однесува на Македонија, иако договорот јасно ја регулира употребата на новото уставно име и меѓународната кратенка МКД.

Последен пример за ваквата пракса се случи на Европското првенство во кошарка за играчи до 18 години, каде на семафорот стоеше ознаката ПГМ – што на грчки значи „Поранешна Југословенска Република Македонија“. Ова директно отстапува од договорените норми, според кои треба да се користи кратенката МКД, а не поранешните формулации.

Фотографијата објавена од грчкиот медиум Спорт24 го прикажува моментот кога се употребува старата кратенка, што укажува на тоа дека ваквата пракса не е изолиран инцидент, туку дел од пошироко игнорирање на договорените обврски.

Во овој случај, Грција не само што не ја користи меѓународно договорената кратенка МКД, туку не ја употребува ниту НМК – ознака која македонските власти ја ставија на автомобилските таблици, иако не е јасно предвидена во самите одредби од договорот.

Се поставува прашањето – дали грчките институции ќе преземат мерки против ваквите случаи, или ќе продолжат да толерираат користење на непризнаени ознаки за соседната земја. Овие постапки ја отвораат дилемата колку е договорот навистина почитуван од двете страни и дали доследноста важи само за едната.