Грчка европратеничка: Јазикот во Скопје е бугарски дијалект, јас сум вистинска Македонка!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Грчка европратеничка: Јазикот во Скопје е бугарски дијалект, јас сум вистинска Македонка!

09 јули 2025

• од Станча Јаќимовски

На пленарната седница на Европскиот парламент, што се одржа вчера во Брисел, се дискутираше за Извештајот за напредокот на Македонија во процесот на евроинтеграции. Во рамки на дебатата, грчката европратеничка Афродити Латинопули се обрати со ставови кои привлекоа внимание во јавноста.

Латинопули, членка на Европскиот парламент од Грција, истакна дека таа е „вистинска горда Македонка“, со што се повика на своето потекло од северниот дел на Грција, кој исто така е познат како Македонија.

„Денеска јас ќе говорам како Македонка, бидејќи сум горда Македонка, вистинска, а не лажна како резидентите во Скопје. Се срамат да кажат она што се“, изјави Латинопули.

Во своето обраќање, таа даде поддршка на бугарската позиција во однос на историјата, идентитетот и јазикот во Северна Македонија. Таа го изрази ставот дека македонскиот јазик е всушност бугарски дијалект, а идентитетот на граѓаните – бугарски по потекло.

„Дојдовме до точка каде што честа на Македонија и Грција ја бранат Бугарите. Нивната реакција е исправна бидејќи тие знаат дека моменталниот јазик во Скопје е бугарски дијалект и нивната националност е бугарска“, додаде таа.

Латинопули беше децидна дека без прифаќање на историската вистина, како што ја дефинира таа, проширувањето на ЕУ со Македонија нема да биде возможно. „Ако сакате мир и добри односи на Балканот, историјата мора да се обнови, инаку пристапот кон ЕУ нема да се случи ниту во нивните соништа“, рече таа.

Таа заврши со изјава дека според неа, „Македонија е една и таа е грчка“.

Изјавата на Латинопули е дел од пошироката дебата околу идентитетските прашања на Балканот, кои и натаму се важен фактор во процесот на европска интеграција на регионот.