Георг Георгиев: Нашата поддршка за Украина ќе продолжи

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Георг Георгиев: Нашата поддршка за Украина ќе продолжи

12 август 2025

• од Станча Јаќимовски

„Неопходно е секој мировен договор да биде одржлив и праведен, со почитување на принципите на меѓународното право и на правилата на меѓународниот поредок. Додека тоа не биде постигнато, нашата сеопфатна поддршка за Украина ќе продолжи. Мирот не е само отсуство на војна, туку треба да претставува основа за долгорочна стабилност, безбедност и просперитет – како за Украина, така и за Европа во целина.“

Ова го изјави министерот за надворешни работи Георг Георгиев за време на своето учество на неформалната видеоконференциска седница на Советот за надворешни работи, одржана на 11 август 2025 година, информираа од прес-центарот на МНР.

На состанокот биле разгледани најновите дипломатски напори за прекин на руската агресија врз Украина, координацијата со трансатлантските партнери во контекст на претстојната средба меѓу претседателите на САД и Русија во Алјаска, како и продолжувањето на солидарноста и севкупната поддршка на ЕУ за Украина.

Во своето излагање, министерот Георгиев го поздрави решителниот ангажман на претседателот на САД, Доналд Трамп, за запирање на воените дејства и постигнување мир преку преговори.

Министрите ја разгледаа и актуелната состојба на Блискиот Исток и ја истакнаа потребата за забрзување на доставувањето на итната хуманитарна помош за цивилното население во Појасот Газа.

„Бугарија изразува длабока загриженост поради проширувањето на воената операција во Појасот Газа. Апелираме за итно и безусловно ослободување на сите заложници, кои се држат од ’Хамас‘ во нечовечки услови, што би овозможило продолжување на напорите за примирје. Хуманитарната помош за жителите на Појасот Газа, кои се во критична состојба, мора веднаш да се зголеми,“ изјави бугарскиот министер за надворешни работи.

Георгиев ја потврди подготвеноста на Бугарија, заедно со своите партнери од ЕУ, да продолжи со интензивни и насочени напори за трајно решавање на конфликтот на Блискиот Исток врз основа на принципот на две држави.