21 јануари 2026
• од Станча Јаќимовски
Франција, загрижена за глобалното затоплување, реши дека најдобар начин да го заштити мразот е – да испрати тенкови. Затоа побара НАТО-вежба во Гренланд, за секој случај, ако некој случајно се лизне и падне врз островот. Од кабинетот на Макрон порачаа дека Франција е „подготвена да се вклучи“, што на дипломатски јазик значи: „Ние доаѓаме, ама со стил.“
Во меѓувреме, Доналд Трамп, вооружен со твитови и фрустрација поради Нобеловата награда за мир што упорно го одбегнува, повторно ја извади Гренландската карта од ракав. Од Давос најави дека ако Европа не му го подари островот со панделка, ќе ѝ удри царини толку високи што и Алпите ќе изгледаат како ридчиња. Трансатлантските односи, велат експертите, не биле вака разнишани уште од моментот кога некој сфатил дека ананас не припаѓа на пица.
Макрон, со сериозен тон и внимателно наместен шал, порача дека Европа нема да се плаши од агресори. НАТО, пак, предупреди дека целата оваа сага околу еден леден остров може да го преврти Алијансот наопаку – што и не е толку страшно, бидејќи барем така сите конечно ќе видат каде точно е Гренланд на мапата.
Ненадминливи Понуди Дневно
4.8 (10276 рецензии)
Заштедете 152.00 ден

