ЕУ усвои нова регулатива за побрзо враќање на нелегалните мигранти

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

ЕУ усвои нова регулатива за побрзо враќање на нелегалните мигранти

09 декември 2025

• од Станча Јаќимовски

Советот на Европската унија усвои нова регулатива со која значително се забрзуваат и поедноставуваат процедурите за враќање на лица кои нелегално престојуваат во земјите-членки. Целта е да се подобри ефикасноста на системот, со оглед на тоа што голем дел од мигрантите на кои им е издадена одлука за напуштање на ЕУ не се враќаат во своите земји.

Според регулативата, утврдени се заеднички процедури што важат за сите држави-членки. Во документот се прецизираат обврските на странските државјани кои немаат право на престој, како и нови алатки за меѓусебна соработка меѓу земјите од ЕУ, соопшти официјалната веб-страница на Унијата.

Една од новините е можноста членките на ЕУ да основаат центри за враќање во трети земји, со што ќе се олесни логистичкиот и административниот процес на репатријација.

Министерот за имиграција и интеграција на Данска, Расмус Стоклунд, чия земја во моментов претседава со Советот на ЕУ, изрази задоволство од усвојувањето на регулативата. Тој истакна дека дури три од четири лица со решение за напуштање на ЕУ остануваат во блокот, што ја поткопува ефективноста на миграционата политика.

„Верувам дека новиот сет правила може значително да помогне во подобрување на овие бројки. Првпат државјаните на трети земји кои нелегално престојуваат ќе имаат јасно определени обврски, а земјите-членки ќе располагаат со многу подобри инструменти. На пример, ќе бидат можни подолги притворања, а забраните за влез ќе траат подолго“, изјави Стоклунд.

Тој додаде дека регулативата отвора можност ЕУ, самостојно или заедно со една или повеќе земји-членки, да склучи аранжмани со трети земји за воспоставување центри за враќање, што ќе претставува нов механизам во управувањето со миграцијата.