ЕУ: Никогаш нема да го заборавиме холокаустот на Ромите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

ЕУ: Никогаш нема да го заборавиме холокаустот на Ромите

03 август 2025

• од Станча Јаќимовски

Европскиот ден на сеќавање на холокаустот на Ромите, Европската комисија издаде заедничка изјава во која изразува силна посветеност на зачувување на сеќавањето на жртвите и справување со сите форми на негирање и искривување на овој трагичен дел од историјата.

Во изјавата, претседателката на Европската комисија Урсула фон дер Лајен, извршната потпретседателка за социјални права Роксана Минзату и еврокомесарката за еднаквост Хаџа Лабиб истакнуваат дека и денес, 81 година подоцна, продолжуваат да оддаваат почит на 4.300 деца, жени и мажи Роми и Синти, кои на 2 август 1944 година беа убиени во гасните комори на нацистичкиот логор Аушвиц-Биркенау.

„Овој ден е посветен на сите 500.000 Роми убиени за време на холокаустот – геноцид кој ги одзеде животите на милиони луѓе и остави длабоки рани врз ромските семејства, заедници и култури низ цела Европа,“ се вели во соопштението.

Оваа година се одбележува и десетгодишнината од официјалното признавање на 2 август како Европски ден на сеќавање на холокаустот на Ромите, чекор кој, според изјавата, има суштинско значење за борбата против дискриминацијата и историската неправда.

„Недвосмислено ја потврдуваме нашата посветеност да го почитуваме сеќавањето на жртвите Роми и Синти и да осигуриме дека нивното страдање никогаш нема да биде заборавено, занемарено или намалено. Застануваме обединети во одбрана на човечкото достоинство, прифаќање на различноста и борбата против омразата,“ додаваат високите претставнички на ЕУ.

Во изјавата се нагласува и потребата од едукација и историска свест, како дел од напорите на ЕУ да се спречат идни облици на дискриминација и негирање, особено во време кога ромските заедници и понатаму се соочуваат со сериозни закани и маргинализација низ Европа.

Со оваа порака, Европската унија ја повтори својата заложба за помнење, правда и еднаквост, со цел да се обезбеди дека ваквите трагедии никогаш повеќе нема да се повторат.