Бугарскиот премиер: Успеавме – од 2026 година еврото станува официјална валута на Бугарија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарскиот премиер: Успеавме – од 2026 година еврото станува официјална валута на Бугарија

08 јули 2025

• од Станча Јаќимовски

Од 1 јануари 2026 година, Бугарија официјално ќе го прифати еврото како своја национална валута. Ова историско достигнување беше објавено од бугарскиот премиер Росен Жељазков, кој преку објава на социјалната мрежа Х изрази благодарност до сите институции, партнери и поединци што придонеле до овој значаен момент.

„Успеавме! Благодарност до сите чии напори го направија ова можно. Владата останува посветена на мазниот и ефективен премин кон еврото во интерес на сите граѓани,“ изјави Жељазков.

Министерката за финансии Теменушка Петкова потврди дека фиксниот курс при воведувањето на еврото ќе биде 1 евро за 1,95583 лева. Таа нагласи дека успехот е резултат на долгорочна, упорна работа и ја потсети јавноста дека првиот чекор кон членството во еврозоната бил направен уште пред пет години со влезот на Бугарија во ERM II – т.н. „чекалница“ на еврозоната.

„Членството во еврозоната е предуслов за економска и финансиска стабилност, подобра деловна средина и поквалитетен живот за сите граѓани,“ додаде Петкова.

Претседателката на бугарското Народно собрание, Наталија Киселова, истакна дека воведувањето на еврото ќе бара законски измени за да се гарантира правната сигурност и да се овозможи непречен премин кон новата валута. Таа информираше дека Собранието е подготвено да усвои сеопфатен закон за еврото, кој ќе ги опфати сите аспекти на промена на валутата – од заштита на потрошувачите, до двојно прикажување на цените и регулации против евентуални шпекулации.

Евродепутатката Ева Мајдел нагласи дека Бугарија ги исполнува сите економски критериуми: стабилна инфлација, одржлив јавен долг и буџетски дефицит, како и стабилен курс на левата во рамките на ERM II повеќе од две години.

Процесот за пристапување на Бугарија во еврозоната доби широка поддршка на европско ниво – со 531 глас „за“, 69 „против“ и 79 „воздржани“. Советот ЕКОФИН едногласно ги усвои трите потребни законски акти на ниво на ЕУ, со што официјално заврши процедурата за прием на Бугарија како 21-ва членка на еврозоната.

Министрите од Советот ЕКОФИН преку видео-обраќања ја честитаа Бугарија за овој историски исчекор, оценувајќи го како значаен момент не само за земјата, туку и за целата Европска унија.