Бугарскиот патријарх Даниил со порака за мир, светлина и помирување во 2026 година

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарскиот патријарх Даниил со порака за мир, светлина и помирување во 2026 година

02 јануари 2026

• од Станча Јаќимовски

Неговата Светост Патријарх Даниил упати свечено обраќање по повод Новата 2026 година, во кое ги повика верниците да ја дочекаат годината со дух на прошка, помирување и длабоко духовно преображение.

Во своето пастирско слово, Патријархот истакна дека секоја нова година е можност за размислување за смислата на животот и за благодарност кон Бога за Неговата бескрајна љубов, милост и човекољубие. Потсетувајќи на зборовите од Светото писмо, тој нагласи дека светлината живее во Бога и дека човекот, создаден според Божјиот образ, е повикан да живее во таа светлина како „син на светлината и на денот“.

Патријарх Даниил зборуваше и за предизвиците на современиот свет, во кој божествената светлина често се замаглува од гревот, омразата и насилството. Тој укажа дека чувството на духовна темнина и отуѓеност од Бога не е нешто ново, но дека христијаните се повикани да сведочат за неугасливата сила на светлината – не само со зборови, туку и со дела, преку живот исполнет со вера, смирение и љубов.

Во обраќањето беше нагласено и значењето на црковното единство. Патријархот ги повика верниците да живеат како една заедница – како едно Христово тело, во кое секој придонесува според своите дарови и способности. Само преку такво заедништво, истакна тој, Црквата може да биде вистински сведок и проповедник на Божјото слово во светот.

Посебно внимание беше посветено на фактот дека во 2026 година се одбележуваат 1080 години од Успението на свети Јован Рилски Чудотворец – небесниот заштитник на бугарскиот народ. Патријарх Даниил го опиша свети Јован Рилски како голем Божји дар и како жив пример за покајание, духовна борба, молитва и одрекување од земните искушенија, кој и денес ги води верниците по патот кон Царството Небесно.

На крајот од своето обраќање, Патријархот упати молитвени желби 2026 година да биде година на здравје, мир, светлина и радост за сите, година на прошка и помирување со ближните, како и година на благодатна промена и духовно обновување на животот.

„Божјиот мир и Неговата голема милост нека бидат со сите нас“, порача Патријарх Даниил, честитајќи ја Новата година со желба таа да биде благословена од Бога.