Бугарската вицепретседателката му додели орден „Св. Св. Кирил и Методиј на кинескиот бугарист Ма Сипу

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарската вицепретседателката му додели орден „Св. Св. Кирил и Методиј на кинескиот бугарист Ма Сипу

16 октомври 2025

• од Станча Јаќимовски

Вицепретседателката на Бугарија, Илијана Јотова, за време на својата официјална посета на Народна Република Кина, го посети Пекиншкиот универзитет за странски јазици, каде што веќе повеќе од 60 години се изучува бугаристика. Оваа институција е еден од најстарите центри во светот каде се изучува бугарскиот јазик, култура и литература.

За време на посетата, Јотова се сретна со студентите по бугаристика и на универзитетската библиотека ѝ подари книги од бугарската класика. На Пекиншкиот универзитет се изучуваат 101 јазик, а катедрата за бугаристика постои уште од 1961 година, што ја прави една од најстарите катедри за словенски јазици во Кина.

Покрај овој универзитет, бугарскиот јазик се предава и во уште три високообразовни институции низ земјата.

Орден „Св. Св. Кирил и Методиј“ за професорот Ма Сипу

Од името на бугарскиот државен врв, вицепретседателката Јотова го одликува професорот Ма Сипу со орденот „Св. Св. Кирил и Методиј“, како признание за неговиот извонреден придонес во промовирањето на бугарскиот јазик, историја и култура во Кина.

Професорот Ма Сипу е дипломец на Софискиот универзитет „Св. Климент Охридски“ и заедно со свои студенти издаде двутомен бугарско-кинески и кинеско-бугарски речник, кој претставува важен мост меѓу двете култури.

Соработка во културата и образованието меѓу Бугарија и Кина

Пред студентите, Јотова го нагласи историскиот придонес на Бугарија во развојот на словенската писменост и духовност, како и интензивниот културен и образовен дијалог меѓу Бугарија и Кина.

Таа посочи дека во Бугарија денес кинескиот јазик се изучува во четири универзитети, а повеќе од 2000 деца го учат во основни и средни училишта, па дури и во градинки — доказ за сè поголемата меѓусебна заинтересираност и пријателство меѓу двата народа.